________________ 702 ) / श्रीमदागमसुधासिन्धुः // तृतीयो विभागः सरीरे समचउरंससंठिए पगणत्ते, पंच समुग्घाया पन्नत्ता, तंजहा-वेदणासमु. ग्घाए जाव तेयगसमुग्याए, णो चेव णं वेउब्धियतेयगसमुग्घाएहितो समोहणिंसु वा समोहणंति वा समोहणिसंति वा, ठिती अणुबंधो जहन्नेणं बावीसं सागरोवमाई उक्कोसेणं एकतीसं सागरोवमाई, सेसं तं चेव 11 / कालादेसेणं जहरणेणं बावीसं सागरोवमाई वासपुहुत्तमभहियाई उक्कोसेणं तेणउति सागरोवमाई तिहिं पुब्बकोडीहिं अब्भहियाई एवतियं कालं जाव करेजा, एवं सेसेसुवि अट्ठगमएसु नवरं ठिती संवेहं च जाणेजा 1, 20 / जइ अणुत्तरोववाइय-कप्पातीत-वेमाणियदेवेहितो उववज्जति किं विजयश्रणुत्तरोववाइय-कप्पातीतवेमाणियदेवेहितो उववज्जति वेजयंतअणुत्तरोववातिय-कप्पातीतवेमाणियदेवेहितो उववज्जति जाव सव्वट्ठसिद्धश्रणुत्तरोववाइय-कप्पातीतवेमाणियदेवेहिंतो उववज्जति ?, गोयमा! विजयअणुत्तरोववातिय जाव सबट्टसिद्धअणुत्तरोववातिय-कप्पातीतवेमाणियदेवेहितो उववज्जंति 21 / विजय-वेजयंत-जयंत-अपराजियदेवे णं भंते ! जे भविए मणुस्सेसु उववजित्तए से णं भंते ! केवतिकालं उववज्जति ? एवं जहेव गेवेजदेवाणं नवरं योगाहणा जहराणेणं अंगुलस्स असंखेजइ भागं उक्कोसेणं एगा रयणी, सम्मदिट्ठी णो मिच्छदिट्ठी णो सम्मामिच्छदिट्ठी, णाणी णो अन्नाणी नियमं तिन्नाणी, तंजहा-श्राभिणिबोहियणाणी सुयणाणी अोहिणाणी, ठिती जहन्नेणं एकतीसं सागरोवमाई उक्कोसेणं तेत्तीसं सागरोवमाई, सेसं तहेव 22 / भवादेसेणं जहराणेणं दो भवग्गहणाई उक्कोसेणं चत्तारि भवग्गहणाई, कालादेसेणं जहराणेणं एकतीसं सागरोवमाई वासपुहत्तमभहियाई उकोसेणं छावटि सागरोवमाई दोहिं पुब्बकोडीहिं अमहियाई एवतियं 23 / एवं सेसावि अट्ठ गमगा भाणियव्वा नवरं ठिति अणुबंधं संवेधं च जाणेज्जा सेसं एवं चेव 24 / सव्वट्ठसिद्धगदेवे णं भंते ! जे भविए मणुस्सेसु उववजित्तए सा चेव विजयादिदेववत्तब्वया
