________________ श्रीमद्व्याख्याप्रज्ञप्ति (श्रीमद्भगवति)वत्रं :: शतकं 21 वर्गः 1 ] [ 647 // अथ एकविंशतितमशतके प्रथमवर्गे प्रथमोद्देशकः // सालि कल अयसि वंसे इक्व दन्भे य दम्भ तुलसी य / अट्ठए दस वग्गा असीति पुण होंति उद्दे सा // 1 // रायगिहे जाव एवं वयासी-ग्रह भंते ! साली बीही गोधूमजवजवाणं एएसि णं भंते ! जीवा मूलनाए वकमंति ते णं भंते ! जीवा कोहितो उववज्जति ?, किं नेरइएहितो उपवजंति, तिरिक्खजोणिएहितो उववज्जंति, मणुसेहितो उववज्जति देवेहिंतो उववज्जति ? जहा वक्तीए तहेव उववायो नवरं देववज्जं 1 / ते णं भंते ! जीवा एगसमएणं केवतिया उववज्जति ?, गोयमा ! जहन्नेणं एको वा दो वा तिन्नि वा उक्कोसेणं संखेजा वा असंखेजा वा उववज्जति अवहारो जहा उप्पलुद्दे से 2 / तेसि णं भंते ! जीवाणं केमहालिया सरीरोगाहणा पन्नत्ता ?, गोयमा ! जहन्नेणं अंगुलस्स असंखेजइभागं उक्कोसेणं धणुहपुहुत्तं 3 / ते णं भंते ! जीवा नाणावरणिजस्स कम्मस्स कि बंधगा अबंधगा ? जहा उप्पलुद्दे से, एवं वेदेवि उदएवि उदीरणाएवि 4 / ते णं भंते ! जीवा किं कराहलेस्सा नीललेस्सा काउलेस्सा ? छब्बीसं भंगा, दिट्ठी जाव इंदिया जहा उप्पलुद्दे से 5 / ते णं भंते ! सालीवीही गोधूम-जव-जवग-मूलगजीवे कालो केवचिरं होति ?, गोयमा ! जहन्नेणं अंतोमुहुत्तं उकोसेणं असंखेन्जं कालं 6 / से णं भंते ! साली बीही गोधूम-जव-जवग-मूलगजीवे पुढवीजीवे पुणरवि सालीवीही जाव जब-जवग-मूलगजीवे केवतियं कालं सेवेजा ?, केवतियं कालं गतिरागतिं करिजा ?. एवं जहा उप्पलुद्दे से, एएणं अभिलावेणं जाव मणुस्सजीवे अाहारो जहा उप्पलुद्दे से ठिती जहन्नेणं अंतोमुहुत्तं उकोसेणं वासपुहुत्तं, समुग्घायसमोहया उव्वट्टणा य जहा उप्पलुद्दे से 7 / अह भंते ! सव्वपाणा जाव सवसत्ता साली वीही जाव जब-जवग-मूलगजीवत्ताए उववन्नपुव्वा ?,
