________________ श्रीमव्याख्याप्रज्ञप्ति (श्रीमद्भगवति) सूत्र :: शतकं 19 :: उद्देशकः 6-7 ] [ 611 // अथ एकोनविंशतितमशतके द्वीपाख्य-षष्ठोद्देशकः // कहि भंते ! दीवसमुद्दा ? केवइया णं भंते ! दीवसमुद्दा ? किंसंठिया णं भंते ! दीवसमुद्दा ? एवं जहा जीवाभिगमे दीवसमुदुद्दे सो सो चेव इहवि जोइसियमंडिउद्देसगवजो भाणियन्वो जाव परिणामो जीवउववायो जाव अणंतखुत्तो 1 / सेवं भंते 2 ति जाव विहरइ 2 // सूत्रं 657 // 11-6 // // अथ एकोनविंशतितमशतके भवनाख्य-सप्तमोद्देशकः // केवतिया णं भंते ! असुरकुमार-भवणावास-सयसहस्सा पनत्ता ?, गोयमा ! चउसर्हि असुरकुमार-भवणावास-सयसहस्सा पन्नत्ता 1 / ते णं भंते ! किमया पन्नत्ता ?, गोयमा ! सव्वरयणामया अच्छा सराहा जाव पडिरूवा, तत्थ णं बहवे जीवा य पोग्गला य वक्कमति विउक्कमति चयंति उववज्जति सासया णं ते भवणा दवट्ठयाए वन्नपजवेहिं जाव फासपजवेहिं असासया, एवं जाव थणियकुमारावासा 2 / केवतिया णं भंते ! वाणमंतर-भोमेजनगरावास-सयसहस्सा पनत्ता ?, गोयमा ! असंखेजा वाणमंतर-भोमेजनगरावास-सयसहस्सा पन्नत्ता 3 / ते णं भंते ! किमया पन्नत्ता ? सेसं तं चेव 4 / केवतिया णं भंते ! जोइसिय-विमाणावास-सयसहस्सा ? पुच्छा, गोयमा! असंखेजा जोइसिय-विमाणावास-सयसहस्सा पन्नत्ता 5 / ते णं भंते ! किमया पन्नत्ता ?, गोयमा ! सवफालिहामया अच्छा, सेसं तं चेव सोहम्मे णं भंते ! कप्पे केवतिया विमाणावास-सयसहस्सा पन्नत्ता ?, गोयमा! बत्तीसं विमाणावास-सयसहस्सा 7 / ते णं भंते ! किमया पन्नत्ता ?, गोयमा ! सव्वरयणामया अच्छा, सेसं तं चेव जाव अणुत्तरविमाणा, नवरं जाणेयव्वा जत्थ जत्तिया भवरमा विमाणा वा 8 | सेवं भंते ! 2 ति जाव विहरइ 1 // सूत्रं 658 // 11-7 //
