________________ 610] . : . श्रीमदागमसुधासिन्धुः / तृतीयो विभागः भंगो भाणियब्वो, सेसा पन्नरस भंगा खोडेयव्वा, एवं जाव थणियकुमारा 17 / सिय भंते ! पुढविकाइया महासवा महाकिरिया महावेयणा महानिजरा ? हंता, एवं जाव सिय भंते ! पुढविकाइया अप्पासवा अप्पकिरिया अप्पवेयणा अप्पनिजरा ? हंता सिया 18 / एवं जाव मणुस्सा, वाणमंतरजोइसियवेमाणिया जहा असुरकुमारा 11 / सेवं भंते ! 2 ति जाव विहरइ // सूत्रं 654 // // इति एकोनविंशतितमे शतके चतुर्थ उद्देशकः // 19-4 // // अथ एकोनविंशतितमशतके चरमाख्य-पञ्चमोद्देशकः // अस्थि णं भंते ! चरिमावि नेरतिया परमावि नेरतिया ?, हंता अस्थि, से नूणं भंते ! चरमेहितो नेरइएहितो परमा नेरझ्या महाकम्मतराए चेव महस्सवतराए चेव महावयणतराए चेच परमेहितो वा नेरइएहिंतो वा चरमा नेरइया अप्पकम्मतराए चेव अप्पकिरियतराए चेव अप्पासवतराए चेव अप्पवेयणतराए चेत्र ?, हंता गोयमा! चरमेहितो नेरइएहिंतो परमा जाव महावेयणतराए चेव परमेहिंतो वा नेरइएहितो चरमा नेरइया जाव अप्पवेयणतरा चेव 1 / से केण?णं भंते ! एवं वुझ्इ जाव अप्पवेयणतरा चेव ?, गोयमा! उितिं पडुच्च, से तेण?णं गोयमा ! एवं वुच्चइ जाव अप्पवेदणतरा चेव 2 / अस्थि णं भंते ! चरमावि असुरकुमारा परमावि असुरकुमारा ?, एवं चेव, नवरं विवरीयं भाणियब्वं, परमा अप्पकम्मा चरमा महाकम्मा, सेसं तं चेव जाव थणियकुमारा ?, ताव एवमेव 3 / पुढविकाइया जाव मणुस्सा एवं जहा नेरइया, वाणपंतरजोइसिय-वेमाणिया जहा असुरकुमारा ४॥सूत्रं.६५५॥ कइविहा णं भंते ! वेदणा पन्नत्ता ?, गोयमा ! दुविहा वेदणा पन्नत्ता, तंजहा-निदा य अनिदा य 1 / नेरइया णं भंते ! किं निदायं वेदणं वेयंति अनिदायं जहा पन्नवणाए जाव वेमाणियत्ति 2 / सेवं भंते ! सेवं भंतेत्ति जाव विहरति 3 // सूत्रं 656 // 11-5 //
