________________ 600 ] [ श्रीमदागमसुधासिन्धुः :: तृतीयो विभागः खंडियसएणं सद्धिं संपरिबुडे वाणियगामं नगरं मझमज्झणं, निग्गच्छइ 2 जेणेव दूतिपलासए चेइए जेणेव समणे भगवं महावीरे तेणेव उवागच्छइ 2 समणस्स 3 अदूरसामंते ठिचा समणं भगवं महावीरं एवं वयासी-जत्ता ते भंते ! जवणिज्जते भंते ! अव्वाहं ते भंते ! फासुयविहारं ते भंते !?,सोमिला! जत्तावि मे जवणिज्जपि मे अब्बाबाहपि मे फासुयविहारंपि मे 5 / किं ते भंते ! जत्ता ?, सोमिला ! जं मे तव-नियम-संजम-सज्झाय-झाणावस्सयमादीएसु जोगेसु जयणा सेत्तं जत्ता 6 / किं ते भंते ! जवणिज्जं ?, सोमिला ! जवणिज्जे दुविहे पन्नत्ते तंजहा-इंदियजवणिज्जे य नोइंदियजवणिज्जे य 7 / से किं तं इंदियजवणिज्जे ?, 2 जं मे सोइंदिय-चक्खिदिय-घाणिदियजिभिदिय-फासिंदियाइं निरुवहयाई वसे वट्टांति सेत्तं इंदियजवणिज्जे 8 / से किं तं नोइंदियजवणिज्जे ?, 2 ज मे कोह-माण-माया-लोभा वोच्छिन्ना नो उदीरेंति से तं नोइंदिराजवणिज्जे, सेत्तं जवणिज्जे 1 / किं ते भंते ! अब्बावाहं ?, सोमिला ! जं मे वातिय-पित्तिय-सिभिय-सनिवाइया विविहा रोगायंका सरीरगया दोसा उवसंता नो उदीरेंति सेत्तं अव्वाबाहं 10 / किं ते भंते ! फासुयविहारं , सोमिला ! जन्नं पारामेसु उजाणेसु देवकुलेस सभासु पवासु इत्थी-पसु पंडग-विवजियासु वसहीसु फासुएसणिज्जं पीढफलग-सेन्जासंथारगं उवसंपजित्ताणं विहरामि सेत्तं फासुयविहारं 11 / सरिसवा ते भंते ! किं भवखेया अभवखेया ?, सोमिला ! सरिसवा भवखेयावि अभक्खेयावि 12 / से केण?णं भंते ! एवं वुचइ सरिसवा मे भवखेयावि अभक्खेयावि ?, से नूणं ते सोमिला ! बंभन्नएसु नएसु दुविहा सरिसवा पन्नत्ता, तंजहा-भित्तसरिसवा य धनसरिसवा य 13 / तत्थ णं जे ते मित्तसरिसवा ते तिविहा पन्नत्ता, तंजहा-सहजायया सवडियया सहपंसुकीलियया, ते णं समणाणं निग्गंथाणं अभक्खया 14 / तत्थ णं जे ते धनसरिसवा ते दुविहा पन्नत्ता, तंजहा-सत्थपरिणया य असत्थपरिणया य,
