________________ श्रीमद्व्याख्याप्रज्ञप्ति (श्रीमद्भगवति) सूत्रं :: शतकं 18 :: उद्देशकः 10 ] [ 601: तत्थ णं जे ते असत्थपरिणया ते णं समणाणं निग्गंथाणं अभक्खेया 15 / तत्थ णं जे से सत्थपरिणया ते दुविहा पन्नत्ता, तंजहा-एसणिज्जा य अणेसणिज्जा य, तत्थ णं जे ते गणेसणिज्जा ते समणाणं निग्गंथाणं अभक्खेया 16 / तत्थ णं जे ते एसणिजा ने दुविहा पन्नत्ता, तंजहा-जाइया य अजाइया य, तत्थ णं जे ते अजाइया ते णं समणाणं निग्गंथाणं अभवखेया 17 / तत्थ णं जे ते जातिया ते दुविहा पन्नत्ता, तंजहा-लद्धा य श्रलद्धा य, तत्थ णं जे ते अलद्धा ते णं समणाणं निग्गंथाणं अभक्खेया 18 / तत्थ णं जे ते लद्धा ते णं समणाणं निग्गंथाणं भक्खेया, से तेणटेणं सोमिला ! एवं वुच्चइ जाव अभक्खेयावि 11 / मासा ते भंते ! किं भक्खेया अभक्खेया ?, सोमिला ! मासा मे भक्खेयावि अभक्खेयावि 20 / से केण?णं जाव अभक्खेयावि, से नूणं ते सोमिला ! बंभन्नएसु नएसु दुविहा मासा पन्नत्ता, तंजहा-दव्वमासा य कालमासा य 21 / तत्थ णं जे ते कालमासा ते णं सावणादीया आसाढपजवसाणा दुवालस, तंजहासावणे भद्दवए पासोए कत्तिए मग्गसिरे पोसे माहे फागुणे चित्ते वइसाहे जेट्टामूले अासाढे, ते णं समणाणं निग्गंथाणं अभक्खेया 22 / तत्थ णं जे ते दव्वमासा ते दुविहा पन्नत्ता, तंजहा- अस्थमासा य धराणमासा य 23 / तत्थ णं जे ते अस्थमासा ते दुविहा पत्नत्ता, तंजहा-सुवन्नमासा य रुप्पमासा य, ते णं समणाणं निग्गंथाणं अभक्खेया 24 / तत्थ णं जे ते धनमासा ते दुविहा पन्नत्ता, तंजहा-सस्थपरिणया य असत्थपरिणया य, एवं जहा धनसरिसवा जाव से तेणटेणं जाव अभक्खेयावि 25 / कुलत्था ते भंते ! किं भक्खेया अभक्खेया ?, सोमिला ! कुलत्था भक्खयावि अभवखेयावि 26 / से केणटेणं जाव अभक्खेयावि ?, से नृणं सोमिला ! ते बंभन्नएसु नएसु दुविहा कुलत्था पन्नता, तंजहा-इत्थिकुलत्था य धनकुलत्था य 27 / तत्थ णं जे ते इत्थिकुलत्था ते तिविहा पन्नत्ता, तंजहा-कुलकन्नयाइ वा
