________________ 568 ] [ श्रीमदागमसुधासिन्धुः :: तृतीयो विभागः एवं मणुस्सावि, वागामंतर-जोइसिय-वेमाणियाणं जहा नेरइया 6 / भवियदब-नेरइयस्स णं भंते ! केवतियं कालं ठिती पन्नत्ता ?, गोयमा ! जहन्नेणं अंतोमुहुत्तं उक्कोसेणं पुवकोडी 7 / भवियदव्व-असुरकुमारस्स णं भंते ! केवतियं कालं ठिती पन्नत्ता ?, गोयमा ! जहन्नेणं अंतोमुहुत्तं उकोसेणं तिनि पलियोवमाई, एवं जाव थणियकुमारस्स 8 / भवियदव्व-पुढविकाइयस्स णं पुच्छा, गोयमा ! जहन्नेणं अंतोमुहुत्तं उक्कोसेणं सातिरेगाई दो सागरोवमाई, एवं बाउकाइयस्सवि 1 / तेउवाऊ जहा नेरइयस्स, वणस्सइ. काइयस्स जहा पुढविकाइयस्स, बेइंदियस्स तेइंदियस्स चरिंदियस्स जहा नेरझ्यस्त, पंचिंदियतिरिक्खजोणियस्स जहन्नेणं अंतोमुहुत्तं उक्कोसेणं तेतीसं सागरोवमाई, एवं मणुस्सावि, वाणमंतरजोइसियवेमाणियस्स जहा असुरकुमारस्स 10 / सेवं भंते ! सेवं भंतेत्ति जाव विहरति 11 // सूत्रं 642 // // इति अष्टादशमशतके नवम उद्देशकः // 18-9 // // अथ अष्टादशमशतके सोमिलाख्य-दशमोद्देशकः // रायगिहे जाव एवं वयासी-अणगारे णं भंते ! भावियप्पा असिधारं वा खुरधारं वा योगाहेजा ?, हंता उग्गाहेजा 1 / से णं तस्थ बिज्जेज वा भिज्जेज वा ?, णो तिण? समढे णो खलु तत्थ सत्थं कमइ 2 / एवं जहा पंचमसए परमाणु-पोग्गल-बत्तचया जाव अणगारे णं भंते ! भावियप्पा उदावत्तं वा जाव नो खलु तत्थ सत्थं कमइ 3 // सूत्रं 643 // परमाणुपोग्गले णं भंते ! वाउयाएणं फुडे वाउयाए वा परमाणुपोग्गलेणं फुडे ?, गोयमा ! परमाणुपोग्गले वाउयाएणं फुडे नो वाउयाए परमाणुपोग्गलेणं फुडे 1 / दुप्पएसिए णं भंते ! खं० वाउयाएण एवं चेव एवं जाव असंखेजपएसिए 2 / श्रणंतपएसिए णं भंते ! खंधे वाउपुच्छा, गोयमा ! अणंतपएसिए खंधे वाउयाएणं फुडे वाउयाए अणंतपएसिएणं खंघेणं सिय फुडे सिय नो फुडे
