________________ ( श्रीमदागमसुधासिन्धुः / तृतीयो विभागः तए णं अम्हे दिस्सा दिस्सा वयमाणा पदिस्सा पदिस्सा वयमाणा णो पाणे पेच्चेमो जाव णो उवद्दवेमो, तए णं अम्हे पाणे अपेच्चेमाणा जाव अणोहवेमाणा तिविहं तिविहेणं जाव एगंतपंडिया यावि भवामो, तुज्झे णं अजो! अप्पणा चेव तिविहं तिविहेणं जाव एगंतबाला यावि भवह 6 / तए णं ते अन्नउत्थिया भगवं गोयमं एवं वयासी-केणं कारणेणं अजो ! अम्हे तिविहं तिविहेणं जाव भवामो, तए णं भगवं गोयमे ते अन्नउत्थिए एवं वयासी-तुझे णं अजो! रीयं रीयमाणा पाणे पेच्चेह जाव उबद्दवेह, तए णं तुज्झे पाणे पेच्चेमाणा जाव उवहवेमाणा तिविहं जाव एगंतबाला यावि भवह 7 / तए णं भगवं गोयमे ते अन्नउस्थिए एवं पडिहणइ पडिहणित्ता जेणेव समणे भगवं महावीरं तेणेव उवागच्छइ 2 समणं भगवं महावीरं वंदति नमंसति वंदित्ता नमंसित्ता णचासन्ने जाव पज्जुवासति 8 | गोयमादि समणे भगवं महावीरे भगवं गोयमं एवं वयासी-सुठ्ठ णं तुमं गोयमा ! ते अन्नउत्थिए एवं वयासी-साहु णं तुमं गोयमा ! ते अन्नउत्थिए एवं वयासी, अस्थि णं गोयमा ! ममं बहवे अंतेवासी समणा निग्गंथा छउमत्था जे णं नो पभू एवं वागरणं वागरेत्तए जहा णं तुमं तं सुट्ठ णं तुमं गोयमा ! ते अन्नउत्थिए एवं वयासी, साहू णं तुमं गोयमा ! ते अन्नउत्थिए एवं क्यासी 1 // सूत्रं 640 // तए णं भगवं गोयमे समणेणं भगवया महावीरेण एवं वुत्ते समाणे हट्टतुटे समणं भगवं महावीरं वंदति नमंसति 2 एवं वयासी-छउमत्थे णं भंते ! मणूसे परमाणुपोग्गलं किं जाणति पासति उदाहु न जाणति न पासति ?, गोयमा ! अत्थेगतिए जाणति न पासति अत्यंगतिए न जाणति न पासति 1 / छउमत्थे णं भंते ! मणूसे दुपएसियं खंधं किं जाणति 2 ?, एवं चेव 2 / एवं जाव असंखेज्जपदेसियं 3 / छउमत्थे णं भंते ! मणूसे अणंतपएसियं खंधं किं पुच्छा, गोयमा ! अत्थेगतिए जाणति पासति 1 अत्यंगतिए जाणति न पासति 2 अत्थे
