________________ श्रीमद्व्याख्याप्रज्ञप्ति (श्रीमद्भगवनि) सूत्र :: शतकं 18 :: उद्देशक 8 ] [ 565 // अथ अष्टादशमशतके अणगाराख्यो-ऽष्टमोद्देशकः // ___ रायगिहे जाव एवं वयामी-यणगारस्स णं भंते ! भावियप्पणो पुरो दुहयो जुगमायाए पेहाए रीयं रीयमाणस्स पायस्म ग्रह कुवकुडपोयए वा वट्टापोयए वा कुलिंगच्छाए वा परियावज्जेजा, तस्स णं भंते ! किं ईरियावहिया किरिया कजइ संपराइया किरिया कन्जइ ?, गोयमा ! अणगारस्स णं भावियप्पणो जाव तस्स णं ईरियावहिया किरिया कज्जइ नो संपराइया किरिया कजइ 1 / से केण?णं भंते ! एवं वुच्चइ जहा सत्तमसए संवुडुद्देसए जाव अट्ठो निक्खित्तो 2 / सेवं भंते ! सेवं भंते ! जाव विहरति 3 / तए णं समणे भगवं महावीरे बहिया जाव विहरति 4 ॥सूत्रं 636 // तेणं काले णं. 2 रायगिहे नामं नयरे गुणसिलए चेइए वराणयो पुढविसिलापट्टए तस्स णं गुणसिलस्स चेइयस्स अदूरसामते बहवे अन्नउस्थिया परिवसंति 1 / तए णं समणे भगवं महावीरे जाव समोसढे जाव परिसा पडिगया 2 / ते णं काले णं 2 समणस्म भगवयो महावीरस्स जे? अंतेवासी इंदभूतिनाम अणगारे जाव उट्ठजाणू जाव विहरइ 3 / तए णं ते अन्नउत्थिया जेणेव भगवं गोयमे तेणेव उवागच्छंति उवागच्छइत्ता भगवं गोयमं एवं वयासीतुज्झे णं अजो ! तिविहं तिविहेणं अस्संजया जाव एगंतवाला यावि भवह, तए णं भगवं गोयमे अन्नउत्थिए एवं वयासी-से केणं कारणेणं अजो! अम्हे तिविहं तिविहेणं अस्संजया जाव एगंतबाला यावि भवामो 4 / तए णं ते अन्नउत्थिया भगवं गोयमं एवं वयासी-तुज्झे णं अजो ! रीयं रीयमाणा पाणे पेच्चेह अभिहणह जाव उवद्दवेह, तए णं तुझे पाणे पेच्चेमाणा जाव उवद्दवेमाणा तिविहं तिविहेणं जाव एगंतबाला यावि भवह, 5 / तएणं भगवं गोयमे ते अन्नउत्थिए एवं वयासी-नो खलु अजो! अम्हे रीयं रीयमाणा पाणे पेच्चेमो जाव उबद्दवेमो, अम्हे णं अजो ! रीयं रीयमाणा कायं च जोयं च रीयं च पडुच दिस्सा 2 पदिस्सा 2 वयामो
