________________ 564 / [ श्रीमदागमसुधासिन्धु :: तृतीयो विभागः उक्कोसेणं पंचहिं वाससयसहस्सेहिं खवयंति ?, हंता अस्थि 3 / कयरेणं भंते ! ते देवा जे अणंते कम्मसे जहन्नेषां एक्केण वा जाव पंचहिं वाससएहि खवयंति ?, कयरे णं भंते ! ते देवा जाव पंचहिं वाससहस्सेहिं खवयंति ?, कयरे णं भंते ! ते देवा जाव पंचहिं वाससयसहस्सेहिं खवयंति ?, गोयमा ! वाणमंतरा देंवा अणंते कम्मसे एगेणं वाससएणं खवयंति, असुरिंदवजिया भवणवासी देवा अणंते कम्मसे दोहिं वाससएहि खवयंति, असुरकुमारा णं देवा अणंते कम्मंसे तीहिं वाससएहिं खवयंति, गहनक्खत्तताराख्वा जोइसिया देवा अणंते कम्मसे चउहि वास जाव खवयंति, चंदिमसूरिया जोइसिंदा जोतिसरायाणो अणंते कम्मसे पंचहिं वाससएहि खवयति 4 / सोहम्मीसाणगा देवा अणंते कम्मसे एगेणं वाससहस्सेणं जाब खवयंति, सणकुमारमाहिंदगा देवा अणंते कम्मसे दोहि वाससहस्सेहिं खवयंति, एवं एएणं अभिलावेणं बंभलोगलंतगा देवा अणंते कम्मसे तीहिं वाससहस्सेहिं खवयंति, महासुक्कसहस्सारगा देवा अणंते चउहि वाससंहस्सेहिं खवयंति, प्राणय-पाणय-धारण-अच्चुयगा देवा श्रणंते पंचहिं वाससहस्सेहिं खवयंति 5 / हिट्ठिमगेविजगा देवा अणते कम्मसे एगेणं वाससयसहस्सेणं खवयंति, मज्झिमगेवेजगा देवा अणते दोहिं वाससयसहस्सेहिं जाव खवयंति, उवरिमगेवेजगा देवा अणंते कम्मसे तिहिं वास जाव खवयंति 6 / विजय-वेजयंत-जयंत-अपराजियगा देवा अणंते चउहि वास जाव खवयंति, सव्वट्ठसिद्धगा देवा अणंते कम्मसे पंचहिं वाससयसहस्सेहिं खवयंति 7 / एएण?णं गोयमा ! ते देवा जे गणंते कम्मसे जहन्नेणं एक्केण वा दोहिं वा तीहि वा उक्कोसेणं पंचहि वाससएहिं खवयंति एएणं गोयमा! ते देवा जाव पंचहि वाससहस्सेहिं खवयंति, एएणटेणं गोयमा! ते देवा जाव पंचहिं वाससयसहस्सेहिं खवयंति / सेवं भंते। सेवं भंते ! ति जाव विहरति 1 ॥सूत्रं 638 // // इति अष्टादशमशतके सप्तम उद्देशकः // 18-7 //
