________________ श्रीमद्व्याख्याप्रज्ञति (श्रीमद्भगवति) सूत्रं : शतकं 16 :: उद्देशकः 6 ] [553 इमे चोइस महासुविणे पासित्ता णं पडिबुज्झति, तंजहा-गय-उसभ-सीहअभिसेय जाव सिहिं च 6 / चकवट्टिमायरो णं भंते ! चकवटिसि गभं वकममाणंसि कति महासुमिणे पासित्ता णं पडिबुझति ?, गोयमा ! चक्कवट्टिमायरो चकवट्टिसि गम्भं वकममाणंसि एएसि तीसाए महासुमिणाणं एवं जहा तित्थगरमायरो जाव सिहिं च 7 / वासुदेवमायरो णं पुच्छा, गोयमा ! वासुदेवमायरो जाव वक्कममाणंसि एएसिं चोइसराहं महासुविणाणं अन्नयरे सत्त महासुविणे पासित्ताणं पडिबुज्झति 8 / बलदेवमायरो वा णं पुच्छा, गोयमा ! बलदेवमायरो जाव एएसिं चोदसराहं महासुविणाणं अन्नयरे चत्तारि महासुविणे पासित्ता णं पडिबुज्झति 1 / मंडलियमायरो णं भंते ! पुच्छा, गोयमा ! मंडलियमायरो जाव एएसिं चोइसराहं महासुविणाणं अन्नयरं एगं महासुविणं पासित्ता णं पडिबुज्झति ॥सूत्रं 578 // समणे भगवं महावीरे छउमत्थकालियाए अंतिमराइयंसि इमे दस महासुविणे पासित्ताणं पडिबुद्धे, तंजहा-एगं च णं महं घोररूवदित्तधरं तालपिसायं सुविणे पराजियं पासित्ताणां पडिबुद्धे 1 एगं च णं महं सुकिल्लपक्खगं पुंसकोइलगं सुविणे पासित्ताणं पडिबुद्धे 2 एगं च णं महं चित्त-विचित्तपक्खगं पुंसकोइलगं सुविणे पासित्ता णं पडिबुद्धे 3 एगं च णं महं दामदुगं सव्वरयणामयं सुविणे पासित्ता णं पडिबुद्धे 4 एगं च णं महं सेयगोवग्गं सुविणे पासित्ता णं पडिबुद्धे 5 एगं च णं महं पउमसरं सव्वो समंता कुसुमिय० सुविणे पासित्ता णं पडिबुद्धे 6 एगं च णं महासागरं उम्मी. वीयी-सहरसकलियं भुयाहिं तिन्नं सुविणे पासित्ता णं पडिबुद्धे 7 एगं च णं महं दिणयरं तेयसा जलंतं सुविणे पासित्ता णं पडिबुद्धे 8 एगं च णं महं हरि-वेरुलिय-वन्नामेणं नियगेणं अंतणं माणुसुत्तरं पव्वयं सव्वश्रो समंता श्रावेढियं परिवेढियं सुविणे पासित्ता णं पडिबुद्धे 1 एगं च णं महं मंदरे पव्वए मंदरचूलियाए उवरिं सीहासणवरगयं अप्पाणं सुविणे पासित्ता
