________________ 552 ) . ( श्रीमदागमसुधासिन्धुः / तृतीयो विभागः // अथ षोडशशतके स्वप्नाख्य-षष्ठोद्देशकः // कतिविहे णं भंते ! सुविणदसणे पराणते ?, गोयमा ! पंचविहे सुविणदंसणे पराणत्ते, तंजहा-ग्रहातच्चे पयाणे चिंतासुविणे तविवरीए अव्वत्तदंसणे 1 / सुत्ते णं भंते ! सुविणं पासति जागरे सुविणं पासति सुत्तजागरे सुविणं पासति ?, गोयमा ! नो सुत्ते सुविणं पासइ नो जागरे सुविणं पासइ सुत्तजागरे सुविणं पासइ 2 | जीवा णं भंते ! किं सुत्ता जागरा सुत्तनागरा ?, गोयमा ! जीवा सुत्तावि जागरावि सुत्तजागरावि 3 / नेरइया णं भंते ! किं सुत्ताजागरा सुत्तजागरा ? पुच्छा, गोयमा ! नेरइया सुत्ता नो जागरा नो सुत्तजागरा, एवं जाव चरिंदिया 4 / पंचिंदियतिरिक्खजोणिया णं भंते ! किं सुत्ता जागरा सुत्तजागरा पुच्छा, गोयमा ! सुत्ता नो जागरा सुत्तजागरावि, मणुस्सा जहा जीवा, वाणमंतर-जोइसियवेमाणिया जहा नेरइया 5 // सूत्रं 577 // संवुडे णं भंते ! सुविणं पासइ असंवुडे सुविणं पासइ संवुडासंवुडे सुविणं पासइ ?, गोयमा ! संवुडेवि सुविणं पासइ असंवुडेवि सुविणं पासइ संवुडासंबुडेवि सुविणं पासइ, संवुडे सुविणं पासति अहातचं पासति, असंवुडे सुविणं पासति तहावि तं होजा अन्नहा वा तं होजा, संवुडासंवुड़े सुविणं पासति एवं चेव 1 / जीवा णं भंते ! किं संवुडा असंवुडा संवुडासंवुडा ?, गोयमा ! जीवा संवुडावि असंवुडावि संवुडासंवुडावि, एवं जहेब सुत्ताणं दंडयो तहेव भाणियव्यो 2 / कति णं भंते ! सुविणा पराणत्ता ?, गोयमा ! बायालीसं सुविणा पन्नत्ता 3 / कइ णं भंते ! महासुविणा पराणता ?, गोयमा ! तीसं महासुविणा पराणत्ता 4 / कति णं भंते ! सव्वसुविणा पराणत्ता ?, गोयमा ! बावत्तरिं सव्वसुविणा पराणत्ता 5 / तित्थयरमायरो णं भंते ! तित्थगरंसि गम्भं वकममाणंसि कति महासुविणे पासित्ता णं पडिबुझांति ?, गोयमा ! तित्थयरमायरो णं तित्थयरंसि गम्भं वक्कममाणंसि एएसिं तीसाए महासुविणाणं
