________________ श्रीमद्व्याख्याप्रज्ञप्ति (श्रीमद्भगवति) सूत्र :: शतकं 16 :: उद्देशकः 5 ] 5 / तए णं से गंगदत्ते गाहावई मुणिसुव्वएणं अरहया एवं वुत्ते समाणे हट्ठतुट्ठ जाव हियए मुणिसुव्वयं अरिहं वंदति नमंसति 2 मुणिसुव्वयस्स अरहयो अंतियायो सहसंबवणाश्रो उजाणाश्रो पडिनिक्खमति 2 जेणेव हत्थिणापुरे नगरे जेणेव सए गिहे तेणेव उवागच्छति 2 विउलं असणं पाणं जाव उवक्खडावेति 2 मित्तणातिणियग जाव आमंतेति अामंतेत्ता तयो पच्छा गहाए जहा पूरणे जाव जेट्टपुत्तं कुडुबे ठावेति तं मित्तणाति जाव जेट्टपुत्तं च श्रापुच्छति 2 पुरिससहस्सवाहणिं सीयं दुरूहति 2 मित्तणातिनियग जाव परिजणेणं जेट्टपुत्तेण य समणुगम्ममाणमग्गे सव्विडीए जाव णादितरवेणं हत्थिणागपुरं मझमज्भेणं निग्गच्छइ 2 जेणेव सहसंबवणे उजाणे तेणेव उवागच्छइ 2 छत्तादिते तित्थगरातिसए पासति एवं जहा उदायणो जाव सयमेव याभरणं मुयइ 2 सयमेव पंचमुट्ठियं लोयं करेति 2 जेणेव मुणिसुव्वए अरहा एवं जहेव उदायणो तहेव पव्वइए 6 / तहेव एक्कारस अंगाई अहिजइ जाव मासियाए संलेहणाए सर्टि भत्ताई अणसणाए जाव छेदेति 2 बालोइयपडिक्कते समाहिपत्ते कालमासे कालं किच्चा महासुक्के कप्पे महासामाणे विमाणे उववायसभाए देवसयणिज्जसि जाव गंगदत्तदेवत्ताए उववन्ने 7 / तए णं से गंगदत्ते देवे अहुणोववन्नमेतए समाणे पंचविहाए पजत्तीए पजत्तिभावं गच्छति, तंजहा-पाहारपजत्तीए जाव भासामणपज्जत्तीए, एवं खलु गोयमा! गंगदत्तेणं देवेणं सा दिव्वा देवड्डी जाव अभिसमन्नागया 8 | गंगदत्तस्स णं भंते ! केवतियं कालं ठिती पन्नत्ता ?, गोयमा ! सत्तरससागरोवमाइं ठिती 1 / गंगदत्ते णं भंते ! देवे तारो देवलोगायो ग्राउक्खएणं जाव महाविदेहे वासे सिज्झिहिति जाव अंतं काहिति 10 / सेवं भंते ! 2 त्ति जाव विहरइ 11 // सूत्रं 576 // // इति षोडशशतके पञ्चम उद्देशकः // 16-5 / /
