________________ 550 ) [ श्रीमदागमसुधासिन्धुः / तृतीयो विमागः वयासी-गंगदत्तस्स णं भंते ! देवस्स सा दिव्वा देवड्डी दिव्वा देवजुनी जाव अणुपविट्ठा ?, गोयमा! सरीरं गया सरीरं अणुप्पविट्ठा कूडागार-सालादिळंतो जाव सरीरं अणुप्पविठ्ठा 1 / अहो णं भंते ! गंगदत्ते देवे महडिए जाव महेसक्खे ?, गंगदत्तेणं भंते ! देवेणं सा दिव्या देवड्डी दिव्वा देवजुत्ती किराणा लद्धा जाव गंगदत्तेणं देवेणं सा दिव्वा देवड्डी जाव अभिसमन्नागया ?, गोयमादी समणे भगवं महावीरे भगवं गोयमं एवं क्यासी-एवं खलु गोयमा ! ते णं काले णं 2 इहेव जंबुद्दीवे 2 भारहे वासे हथिणापुरे नाम नगरे होत्था वन्नयो, सहसंबवणे उज्जाणे वन्नयो, तत्थ णं हत्थिणापुरे नगरे गंगदत्ते नाम गाहावती परिवसति घड्ढ जाव अपरिभूए 2 / ते णं काले णं 2 मुणिसुव्वए अरहा श्रादिगरे जाव सव्वन्नू सव्वदरिसी श्रागासगएणं चक्कणं जाव पकडिजमाणेणं 2 सीसगणसंपरिवुडे पुव्वाणुपुरि चरमाणे गामाणुगामं जाव जेणेव सहसंबवणे उजाणे जाव विहरति परिसा निग्गया जाव पज्जुवासति 3 / तए णं से गंगदत्ते गाहावती इमीसे कहाए ल? समाणे हट्टतुट्टे गहाए कयबलिकम्मे जाव सरीरे सायो गिहायो पडिनिक्खमति 2 पायविहारचारेणं हथिणागपुरं नगरं मझमज्झेणं निग्गच्छति 2 जेणेव सहसंबवणे उजाणे जेणेव मुणिसुव्वए अरहा तेणेव उवागच्छइ 2 मुणिसुव्वयं अरहं तिक्खुत्तो आयाहिण-पयाहिणं करेइ 2 जाव तिविहाए पज्जुवासणाए पज्जुवासति / तए णं मुणिसुव्वए अरहा गंगदत्तस्स गाहावतिस्स तीसे य महति जाव परिसा पडिगया, तए णं से गंगदत्ते गाहावती मुणिसुब्वयस्स अरहो अंतियं धम्मं सोचा निसम्म हट्टतुट्टे उठाए उट्ठति 2 मुणिसुव्वयं अरहं वंदति नमंसति वंदित्ता नमंसित्ता एवं वयासी-सदहामि णं भंते ! निग्गंथं पावयणं जाव से जहेयं तुझे वदह, जं नवरं देवाणुप्पिया! जेट्टपुत्तं कुडुबे मवेमि तए णं अहं देवाणुप्पियाणं अंतियं मुडे जाव पव्वयामि, अहासुहं देवाणुप्पिया ! मा पडिबंधं
