________________ श्रीमद्व्याख्याप्रज्ञप्ति (श्रीमद्भगवति) सूत्रं : शतकं 16 : उद्देशकः 5 ] [ 546 जंबुद्दीवे 2 जेणेव भारहे वासे जेणेव उल्लुयातीरे नगरे जेणेव एगजंबुए चेइए जेणेव ममं अंतियं तेणेव पहारेत्थ गमणाए 5 / तए णं से सक्के देविंदे देवराया तस्स देवस्स तं दिव्वं देवढि दिव्वं देवजुतिं दिव्वं देवाणुभागं दिव्वं तेयलेस्सं असहमाणे ममं अट्ठ उक्खित्तपसिणवागरणाई पुच्छइ संभंतिय जाव पडिगए 6 ॥सूत्रं 574 // जावं चणं समणे भगवं महावीरे भगवश्रो गोयमस्स एयमट्ठ परिकहेति तावं च णं से देवे तं देसं हव्यमागए 1 / तए णं से देवे समगां भगवं महावीरं तिक्खुत्तो वंदति नमंसति 2 एवं वयासी-एवं खलु भने ! महासुक्के कप्पे महासामाणे विमाणे एगे मायिमिच्छदिदिउववन्नए देवे ममं एवं वयासी-परिणममाणा पोग्गला नो परिणया अपस्णिया परिणमंतीति पोग्गला नो परिणया अपरिणया 2 / तए णं ग्रहं तं मायिमिच्छदिटिउववन्नगं देवं एवं वयासी-परिणममाणा पोग्गला परिणया नो अपरिणया परिणमंतीति पोग्गला परिणया णो अपरिणया 3 / से कहमेयं भंते ! एवं ?, गंगदत्तादिसमणे भगवं महावीरे गंगदत्तं देवं एवं वयासी-अहंपि णं गंगदत्ता ! एवंमाइक्खामि 4 परिणममाणा पोग्गला जाव नो अपरिणया सच्चमेसे 8 / / तए णं से गंगदत्ते देवे समणस्स भगवश्री महावीरस्स अंतियं एयमटुं सोचा निसम्म हट्टतुट्टे समणं भगवं महावीरं वंदति नमंसति 2 नचासन्ने जाव पज्जुवासति 5 / तए णं समणे भगवं महावीरे गंगदत्तस्स देवस्स तीसे य जाव धम्म परिकहेइ जाव बाराहए भवति 6 / तए णं से गंगदत्ते देवे समणस्स भगवयो महावीररस अंतिए धम्मं सोचा निसम्म हट्टतुट्टे उठाए उट्ठति उर्दुत्ता समणं भगवं महावीरं वंदति नमंसति 2 एवं वयासी-ग्रहराहं भंते ! गंगदत्ते देवे किं भवसिद्धिए अभवसिद्धिए ? एवं जहा सूरियाभो जाव बत्तीसतिविहं नट्टविहं उवदंसेति 2 जाव तामेव दिसं पडिगए 7 // सूत्रं 575 // भंतेत्ति भगवं. गोयमे समणं भगवं महावीरं जाव एवं
