________________ 538 ] ... [ श्रीमदागमसुधासिन्धुः :: तृतीयो विभागः परिस्सहोवसग्गा फुसंतु 2 / तए णं सा दारिया अन्नदा कदायि गुम्विणी ससुरकुलायो कुलघरं निजमाणी यंतरा दवग्गिजालाभिहया कालमासे कालं किच्चा दाहिणिल्लेसु अग्गिकुमारेसु देवेसु देवत्ताए उववजिहिति 3 / से णं ततोहिंतो अणंतरं उव्वट्टित्ता माणुस्सं विग्गहं लभिहिति माणुस्सं 2 केवलं बोहिं बुझिहिति 2 मुंडे भवित्ता आगारायो अणगारियं पञ्चहिति तत्थविय णं विराहियसामन्ने कालमासे कालं किच्चा दाहिणिल्लेसु असुरकुमारेसु देवेसु देवत्ताए उववजिहिति 4 / से णं तयोहिंतो जाव उवट्टित्ता माणुसं विग्गहं तं चेव जाव तत्थवि णं विराहियसामन्ने कालमासे जाव किच्चा दाहिणिल्लेसु नागकुमारेसु देवेसु देवत्ताए उववजिहिति 5 / से णं तयोहिंतो अणंतरं एवं एएणं अभिलावणं दाहिणिल्लेसु सुवनकुमारेसु एवं विज्जुकुमारेसु एवं अग्गिडमारवज्जं जाव दाहिणिल्लेसु थणियकुमारेसु से णं तयो जाव उव्वट्टित्ता माणुस्सं विग्गहं लभिहिति जाव विराहियसामन्ने जोइसिएसु देवेसु उववजिहिति 6 / से णं तयो अणंतरं चयं चइत्ता माणुस्सं विग्गहं लभिहिति जाव अविराहियसामन्ने कालमासे कालं किचा सोहम्मे कप्पे देवत्ताए उववजिहिति 7 / से णं तयोहितो अणंतरं चयं चइत्ता माणुस्सं विग्गहं लभिहिति केवलं बोहिं बुझिहिति, तत्थवि णं अविराहियमामन्ने कालमासे कालं किच्चा ईसाणे कप्पे देवत्ताए उववजि. हिति 8 / से णं तयो चइत्ता माणुम्म विग्गहं लभिहिति, तत्थवि णं अविराहियसामन्ने कालमासे कालं किच्चा सणकुमारे कप्पे देवत्ताए उववजिहिति 1 / से णं तयोहिंतो एवं जहा सणंकुमारे तहा बंभलोए महासुक्के पाणए पारणे, से णं तो जाव अविराहियसामन्ने कालमासे कालं किचा सव्वट्ठसिद्धे महाविमाणे देवत्ताए उववजिहिति 10 / से णं तयोहितो अणंतरं चयं चइत्ता महाविदेहे वासे जाइं इमाई कुलाइं भवंति–अड्डाई जाव अपरिभूयाई, तहप्पगारेसु कुलेसु पुत्तत्ताए पञ्चायाहिति 11 / एवं जहा उववाइए
