________________ श्रीमद्व्याख्याप्रज्ञप्ति (श्रीमद्भगवति) सूत्रं / शतकं 1 :: उ०७] [35 वोच्छिन्ने भवइ 10 // सू० 61 // जीवे णं भंते ! गभगए समाणे नेरइएसु उववज्जेजा?, गोयमा ! अत्थेगइए उववज्जेजा अत्थेगइए नो उववज्जेजा, से केण?णं ?, गोयमा ! से णं सन्नी पंचिंदिए सव्वाहिं पजत्तीहिं पज्जत्तए वीरियलद्धीए वेउब्बियलडीए पराणीएणं आगयं सोचा निसम्म पएसे निच्छुभइ 2 वेउब्वियसमुग्घाएणं समोहणइ 2 चाउरंगिणिं सेन्नं विउध्वइ चाउरंगिणीसेन्नं विउव्वेत्ता चाउरंगिणीए सेणाए पराणीएणं सद्धि संगाम संगामेइ, से णं जीवे अत्थकामए रजकामए भोगकामए कामकामए अत्थकंखिए रजकंखिए भोगकंखिए कामकंखिए अत्थपिवासिए रजपिवासिए भोगपिवासिए कामपिवासिए तचित्ते तम्मणे तल्लेसे तदझवसिए तत्तिव्वझवसाणे तदट्ठोवउत्ते तदप्पियकरणे तब्भावणाभाविए एयंसि णं अंतरंसि कालं करेज नेरइएसु उववज्जइ, से तेणटेणं गोयमा ! जाव अत्थेगइए उववज्जेज्जा अत्थेगइए नो उववज्जेज्जा 1 / जीवे णं भंते ! गभगए समाणे देवलोगेसु उववज्जेजा ?, गोयमा ! अत्थेगइए उववज्जेजा अत्थेगइए नो उववज्जेजा, से केणटेणं ?, गोयमा ! से णं सन्नी पंचिदिए सव्वाहिं पजत्तीहिं पजत्तए तहारुवस्स समणस्स वा माहणस्स वा अंतिए एगमवि अायारियं धम्मियं सुवयणं सोचा निसम्म तयो भवइ संवेगजायसड्ढे तिव्वधम्माणुरागरते, से णं जीवे धम्मकामए पुराणकामए सग्गकामए मोक्खकामए धम्मकंखिए पुराणकंखिए सग्गकंखिए मोक्खकंखिए धम्मपिवासिए पुराणसग्गमोदखपिवासिए तचित्ते तम्मणे तल्लेसे तदभवसिप तत्तिव्वज्झवसाणे तदट्टोवउत्ते तदप्पियकरणे तव्भावणाभाविए एयंसि णं अंतरंसि कालं करेज देवलोएसु उववजति, से तेणटेणं गोयमा !0 2 / जीवे णं भंते ! गभगए समाणे उत्ताणए वा पासिल्लए वा अंबखुजए वा अच्छेज वा चिटेज वा निसीएज वा तुयटेज वा माऊए सुयमाणीए सुवइ जागरमाणीए जागरइ सुहियाए सुहिए भाइ दुहियाए दुहिए भवइ ?, हंता
