________________ 372) __ [ श्रीमदागमसुधासिन्युः / द्वितीयो विभागः उद्दडगा दिसापोक्खिणो वकलवासिणो (अंबुवासिणो वाउवासिणो) चे(वे)लवासिणो जलवासिणो जलाभिसेयकिढिणगाया (जलाभिसेगकढिणगायभूया) अंबुभक्खिणो वायभक्खिणो सेवालभक्खिणो मूलाहारा कंदाहारा पत्ताहारा पुष्पाहारा फलाहारा बीयाहारा परिसडियकंदमूल-पंडु-पत्तपुप्फफलाहारा रुक्खमूलिया वालवासिणो वकपासियो दिसापोक्खिया पायावरणाहिं पंचग्गितावेहिं ईंगालसोल्लियंपिव कंडुसोल्लियंपिव कट्ठसोल्लियंपिव अप्पाणं जाव करेमाणा विहरंति, जहा उपवाइए जाव कट्टसोल्लियंपिव अप्पाणं . करेमाणा विहरंति 5 / तत्थ णं जे ते दिसापोक्खियतावसा तेसिं अंतियं मुंडे भवित्ता दिसापोक्खियतावसत्ताए पव्वइत्तए, पब्वइएवि य णं समाणे श्रयमेयारूवं अभिग्गहं अभिगिरिहस्सामि-कप्पइ मे जावज्जीवाए छटुंछट्ठणं अनिक्खित्तेणं दिसाचकवालेणं तवोकम्मेणं उड्ड बाहायो पगिझिय 2 जाव विहरित्तएत्तिकटु 6 / एवं संपेहेति संपेहेत्ता कल्लं जाव जलते सुबहुं लोहीलोह जाव घडावेत्ता कोड बियपुरिसे सदावेइ सहावेत्ता एवं वयासीखिप्पामेव भो देवाणुप्पिया ! हत्थिणागपुरं नगरं सभितरवाहिरियं श्रासिय जाव तमाणत्तियं पचप्पिणंति 7 / तए णं से सिवे राया दोच्चंपि कोडबियपुरिसे सहावेंति 2 एवं वयासी-खिप्पामेव भो देवाणुप्पिया ! सिवभहस्स कुमारस्स महत्थं 3 विउलं रायाभिसेयं उबट्टवेह, तए णं ते कोडबियपुरिसा तहेव उवट्ठवेंति 8 | तए णं से सिवे राया अणेगगणनायग दंडनायग जाव संधिपाल-सद्धिं संपरिवुडे सिवभद्द कुमार सीहासणवरंसि पुरस्थाभिमुहं निसीयान्ति 2 अट्ठसएणं सोवन्नियाणं कलसाणं जाव अट्ठसएणं भोमेजाणं कलसाणं सब्विड्डीए जाव रवेणं महया 2 रायाभिसेएणं अभिसिंचइ 2 पम्हलसुकुमालाए सुरभिए गंधकासाईए गायाइं लूहेइ 2 सरसेणं गोसीसेणं एवं जहेव जमालिस्स अलंकारों तहेव जाव कप्परुक्खगंपिव श्रलंकियविभूसियं करेंति 2 करयल जाव कटु
