________________ 130 ] ( श्रीमदागमसुधासिन्धुः द्वितीयों विभागः वयासि-धन्नेसि णं तुमं जाया ! कयत्थेसि णं तुमं जाया ! कयपुन्नेसि णं तुमं जाया ! कयलक्खणेसि णं तुम जाया ! जन्नं तुम समणस्स भगवो महावीरस्स अंतियं धम्मे निसंते सेवि य ते धम्मे इच्छिए पडिच्छिए अभिरुइए 2 / तए णं से जमाली खत्तियकुमारे अम्मापियरो दोच्चंपि एवं वयासी-एवं खलु मए अम्मतानो समणस्स भगवश्रो महावीरस्स अंतिए धम्मे निसंते जाव अभिरुइए, तए णं अहं अम्मतायो ! संसारभउविगे भीए जम्मजरामरणेणं, तं इच्छामिणं अम्म ! तायो ! तुज्झहिं अब्भणुनाए .. समाणे समणस्स भगवो महावीरस्स अंतियं मुडे भवित्ता आगाराश्रो अणगारियं पवइत्तए 3 / तए णं सा जमालिस्स खत्तियकुमारस्स माता तं अणिटुं अकंतं अप्पियं अमणुन्नं श्रमणामं असुयपुव्वं गिरं सोचा निसम्म सेयागय-रोमकूध-पगलंत-विलीणगत्ता सोगभर-पवेवियंगमंगी नित्तेया दीणविमणवयणा करयलमलियन कमलमाला तक्खण-भोलुग्ग-दुब्बल-सरीर-लावन्नसुन्न-निच्छाया गयसिरीया पसिढिल-भूसण-पडत-खुरिणय-संचुन्निय-धवलवलयफभट्ठउत्तरिज्जा मुच्छाक्स-गट्ठ-चेतगरुई सुकुमाल-विकिन्न-केसहत्था परसु. णियत्तव्य चंपगलया निव्वत्तमहे व्व इंदलट्ठी विमुक्कसंधिवंधणा कोट्टिमतलंसि धसत्ति सव्वंगेहिं संनिवडिया, तए णं सा जमालिस्स खत्तियकुमारस्स माया ससंभमोयत्तियाए तुरियं कंचण-भिंगार-मुहविणिग्गय-सीयल-विमल-जलधारापरिसिंचमाण-निबविय-गायलट्ठी उक्खेवग-तालियंट-वीयणग-जणियवाएणं सफुसिएणं अंतेउरपरिजणेणं यासासिया समाणी रोयमाणी कंदमाणी सोयमाणी विलामाणी जमालिं खत्तियकुमारं एवं वयासी-तुमंसि णं जाया ! अम्हं एगे पुत्ते इट्टे कते पिए मणुन्ने मणामे थेज्जे वेसासिए संमए बहुमए श्रणुमए भंड-करंडग-समाणे रयणे रयणभूए जीविऊसविये हिययानंदिजणणे उंबरपुष्फमिव दुल्लभे सवणयाए किमंग पुण पासणयाए ?, तं नो खलु जाया ! अम्हे इच्छामो तुज्झ खणमवि विप्पयोगं, तं श्रच्छाहि ताव
