________________ श्रीमव्याख्याप्रज्ञति (श्रीमद्भगवती) शतक 8 : उ०२] .. [145 परिहारविसुद्धलद्धी सुहुमसंपरागलद्धी अहक्खायचरित्तलद्धी 5 / चरित्ताचरित्तलद्धी णं भंते ! कतिविहा पराणता ?, गोयमा ! एगागारा पराणत्ता, एवं जाव उवभोगलद्धी एगागारा पन्नत्ता 6 / वीरियलद्धी णं भंते ! कतिविहा पराणत्ता ?, गोयमा ! तिविहा पण्णत्ता, तंजहा-बालवीरियलद्धी पंडियवीरियलद्धी बालपंडियवीरियलद्धी 7 / इंदियलद्धी णं भंते ! कतिविहा पराणत्ता ?, गोयमा ! पंचिविहा पराणत्ता, तंजहा-सोइंदियलद्धी जाव फासिदियलद्धी 8 | नाणलद्धिया णं भंते ! जीवा किं नाणी अन्नाणी ?, गोयमा ! नाणी नो अन्नाणी, प्रत्येगतिया दुन्नाणी, एवं पंच नाणाई भयणाए 1 / तस्स अलद्धीया णं भंते ! जीवा किं नाणी अन्नाणी ?, गोयमा ! नो नाणी अन्नाणी, अत्थेगतिया दुअन्नाणी तिन्नि अन्नाणाणि भयणाए 10 / श्राभिणिवोहियणाणलद्धिया णं भंते ! जीवा किं नाणी अन्नाणी ?, गोयमा ! नाणी नो अन्नाणी, अत्यंगतिया दुन्नाणी चत्तारि नाणाई भयणाए 11 / तस्स अलद्धिया णं भंते ! जीवा किं नाणी अन्नाणी ?, गोयमा ! नाणीवि अन्नाणीवि, जे नाणी ते नियमा एगनाणी केवलनाणी, जे अन्नाणी ते प्रत्थेगइया दुअन्नाणी तिन्नि अन्नाणाई भयणाए 12 / एवं सुयनाणलद्धीयावि, तस्स अलद्धीयावि जहा याभिणिबोहियनामस्स अलद्धीया 13 / श्रोहिनाणलद्धीया णं पुच्छा, गोयमा ! नाणी नो अन्नाणी, अत्थेगतिया तिन्नाणी अत्यंगतिया चउनाणी, जे तिन्नाणी ते श्राभिणिबोहियनाणी सुयनाणी श्रोहिनाणी, जे चउनाणी ते ग्राभिणिबोहियनाणी सुयनाणी ओहिनाणी मणपजवनाणी 14 / तस्स अलद्धीया णं भंते ! जीवा किं नाणी अन्नाणी ?, गोयमा ! नाणीवि अन्नाणीवि / एवं श्रोहिनाणवजाई चत्तारि नाणाई तिन्नि अन्नाणाई भयणाए 15 / मजपजवनाणलद्धिया णं पुच्छा, गोयमा ! णाणी णो अन्नाणी, अत्थेगतिया तिन्नाणी अत्थेगतिया चउनाणी, जे तिन्नाणी ते श्राभिणिबोहियनाणी सुयणाणी मणपज्जवणाणी,
