________________ 246 ] [श्रीमदागमसुधासिन्धुः / चतुर्थो विभागः जे चउनाणी ते श्राभिणिबोहियनाणी सुयनाणी श्रोहिनाणी मणपजवनाणी 16 / तस्स अलद्धीया णं पुच्छा, गोयमा ! गाणीवि अन्नाणीवि, मणपन्जवणाणवजाइं चत्तारि णाणाई, तिन्नि अन्नाणाई भयणाए 17 / केवलनाणलद्धिया णं भंते ! जीवा किं नाणी अन्नाणी ?, गोयमा ! नाणी नो अन्नाणी, नियमा एगणाणी केवलनाणी 18 / तस्स अलद्धियाणं पुच्छा, गोयमा ! नाणीवि अन्नाणिवि, केवलनाणवजाई चत्तारि णाणाई तिन्नि अन्नाणाई भयणाए 11 / अन्नाणलद्धिया णं पुच्छा, गोयमा ! नो नाणी अन्नाणी, तिन्नि अन्नाणाई भयणाए 20 / तस्स अलद्धियाणं पुच्छा. गोयमा ! नाणी नो अन्नाणी, पंच नाणाई भयणाए जहा अन्नाणस्स लद्धिया अलद्धिया य भणिया एवं मइअन्नाणस्स सुयअन्नाणस्स य लद्धिया अलद्धिया य भाणियव्वा 21 / विभंगनाणलद्धियाणं तिन्नि अन्नाणाई नियमा, तस्स अलद्धियाणं पंच नाणाई भयणाए दो अन्नाणाई नियमा 22 / दंसणलद्धिया णं भंते ! जीवा कि नाणी अन्नाणी ?, गोयमा ! नाणीवि अन्नाणीवि, पंच नाणाई तिन्नि अन्नाणाई भयणाए 23 / तस्स अलद्धिया णं भंते ! जीवा किं नाणी अन्नाणी ?, गोयमा ! तस्स अलद्धिया नत्थि 24 / सम्मदसणलद्धियाणं पंच नाणाई भयणाए, तस्स अलद्धियाणं तिन्नि अन्नाणाई भयणाए, मिच्छादसणलद्धिया णं भंते ! पुच्छा, तिन्नि अन्नाणाई भयणाए, तस्स अलद्धियाणं पंच नाणाई तिन्नि य अन्नाणाइं भयणाए, सम्मामिच्छादसणलद्धिया य अलद्धिया जहा मिच्छादंसणलद्धी अलद्धी तहेव भाणियव्वं 25 / चरित्तलद्धिया णं भंते ! जीवा किं नाणी अन्नाणी ?, गोयमा ! पंच नाणाई भयणाए, तस्स अलद्धियाणं मणपजवनाणवजाइं चत्तारि नाणाइं तिन्नि य अन्नाणाई भयणाए 26 / सामाइयचरित्तलद्धिया णं भंते ! जीवा कि नाणी अन्नाणी ?, गोयमा ! नाणी केवलवजाइं चत्तारि नाणाई भयणाए, तस्स अलद्धियाणं पंच नाणाई
