________________ श्रीमव्याख्याप्रज्ञप्ति (श्रीमद्भगवती) सूत्र : शतकं 8:: उ० 2] [243 देवगतिया जहा निरयगतिया 3 / सिद्धगतिया णं भंते ! जहा सिद्धा 4 / सइंदिया णं भंते ! जीवा किं नाणी अन्नाणी ?, गोयमा ! चत्तारि नाणाई तिन्नि अन्नाणाई भयणाए 5 / एगिदिया णं भंते ! जीवा किं नाणी अन्नाणी ?, जहा पुढविकाइया बेइंदियतेइंदियचउरिंदियाणं दो नाणा दो अन्नाणा नियमा 6 / पंचिंदिया जहा सइंदिया 7 / अणिंदिया णं भंते ! जीवा किं नाणी अन्नाणी ?, जहा सिद्धा 8 / सकाइया णं भंते ! जीवा किं नाणी अन्नाणी ?, गोयमा ! पंच नाणाणी तिन्नि अन्नाणाई भयणाए / पुढविकाइया जाव वणस्सइकाइया नो नाणी अन्नाणी नियमा दुअन्नाणी, तंजहा-मतिअन्नाणी य सुयअन्नाणी य, तसकाइया जहा सकाइया 10 / अकाइया णं भंते ! जीवा किं नाणी अन्नाणी ?, जहा सिद्धा 3, 11 / सुहुमा णं भंते ! जीवा किं नाणी अन्नाणी ?, जहा पुढविकाइया 12 / बादरा णं भंते ! जीवा किं नाणी अन्नाणी ?, जहा सकाइया 13 / नोसुहुमानोबादरा णं भंते ! जीवा किं नाणी अन्नाणी, जहा सिद्धा 4, 14 / पजत्ता णं भंते ! जीवा किं नाणी अन्नाणी ?, जहा सकाइया 15 / पजत्ता णं भंते ! नेरइया किं नाणी अन्नाणी ?, तिन्नि नाणा तिन्नि अन्नाणा नियमा जहा नेरइए एवं जाव थणियकुमारा 16 / पुढविकाइया जहा एगिदिया, एवं जाव चारिदिया 17 / पजत्ता णं भंते ! पंचिंदियतिरिक्खजोणिया किं नाणी अन्नाणी ?, तिन्नि नाणा तिन्नि अन्नाणा भयणाए 18 / मणुस्सा जहा सकाइया 11 / वाणमंतरा जोइसिया वेमाणिया जहा नेरइया 20 / अपजत्ता णं भंते ! जीवा किं नाणी अन्नाणी ?, तिन्नि नाणा तिन्नि अन्नाणा भयणाए 21 / अपजत्ता णं भंते ! नेरतिया किं नाणी अन्नाणी ?, तिनि नाणा नियमा तिन्नि अन्नाणा भयणाए, एवं जाव थणियकुमारा 22 / पुढविकाइया जाव वणस्सइकाइया जहा एगिदिया 23 / ३दियाणं पुच्छा, दो नाणा दो अन्नाणा णियमा, एवं जाव पंचिंदियतिक्खजोणियाणं 24 /
