________________ 242 ] [ श्रीमदागमसुधासिन्धुः। द्वितीयो विभागा दुअन्नाणी अत्यंगतिया तिअन्नाणी, जे दुअन्नाणी ते मइअन्नाणी य सुयत्रनाणी य, जे तियअन्नाणी ते मइअन्नाणी सुयअन्नाणी विभंगनाणी 6 / नेरझ्या णं भंते ! किं नाणी अन्नाणी ?, गोयमा ! नाणीवि अन्नाणीवि, जे नाणी ते नियमा तिन्नाणी, तंजहा-श्राभिणिबोहियनाणी सुयनाणी श्रोहिनाणी, जे अन्नाणी ते अत्यंगतिया दुअन्नाणी अत्थेगतिया तिअन्नाणी, एवं तिन्नि अन्नाणाणि भयणाए 7 / असुरकुमारा णं भंते ! किं नाणी अन्नाणी ?, जहेव नेरझ्या तहेव तिनि नाणाणि नियमा, तिन्नि अन्नाणाणि भयणाए, एवं जाव थणियकुमारा 8 / पुढविकाइया णं भंते ! किं नाणी अन्नाणी ?, गोयमा ! नो नाणी अन्नाणी, जे अन्नाणी ते नियमा दुअन्नाणीमइअन्नाणी य सुयश्रन्नाणी य, एवं जाव वणस्सइकाइया 1 / बेइंदियाणं पुच्छा, गोयमा ! णाणीवि अन्नाणीवि, जे नाणी ते नियमा दुनाणी, तंजहा-श्राभिणिबोहियनाणी य सुयनाणी य, जे अन्नाणी ते नियमा दुअन्नाणी अभिणिबोहियअन्नाणी सुयअन्नाणी, एवं तेइंदियचउरिंदियावि 10 / पंचिंदियतिरिक्खजोणियाणं पुच्छा, गोयमा ! नाणीवि अन्नाणीवि, जे नाणी ते अत्यंगतिया दुन्नाणी अत्थेगतिया तिन्नाणी एवं तिन्नि नाणाणि तिन्नि अन्नाणाणि य भयणाए 11 / मणुस्सा जहा जीवा तहेव पंच नाणाणि तिन्नि अन्नाणाणि भयणाए 12 / वाणमंतरा जहा नेरइया जोइसियवेमाणियाणं तिनि नाणा तिन्नि अन्नाणा नियमा 13 / सिद्धा णं भंते ! पुच्छा, गोयमा ! णाणी नो अन्नाणी, नियमा एगनाणी केवलनाणी 14 // सूत्रं 318 // निरयगइया णं भंते ! जीवा किं नाणी अन्नाणी ?, गोयमा ! नाणीवि अन्नाणीवि, तिन्नि नाणाइं नियमा तिन्नि अन्नाणाई भयणाए 1 / तिरियगइया णं भंते ! जीवा कि नाणी अन्नाणी ?, गोयमा ! दो नाणा दो अन्नाणा नियमा 2 / मणुस्सगइया णं भंते ! जीवा कि नाणी अन्नाणी ?, गोयमा ! तिन्नि नाणाई. भयणाए दो अन्नाणाई नियमा,
