________________ [ 241 श्रीमद्व्याख्याज्ञप्ति (श्रीमद्भगवती) सत्रं शतकं 8 :: उ० 2 ] सव्वभावेणं जाणइ पासइ, तंजहा-धम्मत्थिकायं जाव करेस्संति वा न वा करेस्संति 2 // सूत्रं 317 // कतिविहे णं भंते ! नाणे पन्नत्ते ?, गोयमा! पंचविहे नाणे पन्नत्ते, तंजहा-श्राभिणिबोहियनाणे सुयनाणे श्रोहिनाणे मणपजवनाणे केवलनाणे, से किं तं आभिणिबोहियनाणे ?, अाभिणिबोहियनाणे चउबिहे पन्नत्ते, तंजहा-उग्गहो ईहा अवाश्रो धारणा, एवं जहा रायप्पसेणइए णाणाणं भेदो तहेव इहवि भाणियब्बो जाव सेत्तं केवलनाणे 1 / अन्नाणे णं भंते ! कतिविहे पाणते ?, गोयमा ! तिविहे पराणत्ते, तंजहा-मइअन्नाणे सुयअन्नाणे विभंगन्नाणे 2 / से किं तं मइअन्नाणे ?, 2 चउबिहे पराणत्ते, तंजहा-उग्गहो जाव धारणा। से किं तं उग्गहे ?, 2 दुविहे पराणत्ते, तंजहा-अत्थोग्गहे य वंजणोग्गहे य, एवं जहेव श्राभिणिबोहियनाणं तहेव, नवरं एगट्ठियवज्जं जाव नोइंदियधारणा, सेत्तं धारणा, सेत्तं मइयन्नाणे 3 / से किं तं सुयअन्नाणे ?, 2 जं इमं अन्नाणिएहि मिच्छदिट्ठिएहिं जहा नंदीए जाव चत्तारि वेदा संगोवंगा, सेत्तं सुयअन्नाणे 4 / से किं तं विभंगनाणे ?, 2 अणेगविहे पराणत्ते, तंजहा-गामसंठिए नगरसंठिए जाव संनिवेससंठिए दीवसंठिए समुद्दसंठिए वाससंठिए वासहरसंठिए पव्वयसंठिए 'रुस्खसंठिए थूभसंठिए हयसंठिए गयसंठिए नरसंठिए किंनरसंठिए किंपुरिससंठिए महोरगसंठिए गंधव्वसंठिए उसभसंठिए पसु-पसय-विहग-वानर-णाणासंगणसंठिए पराणत्ते 5 / जीवा णं भंते ! किं नाणी अन्नाणी ? गोयमा ! जीवा नाणीवि अन्नाणीवि, जे नाणी ते अत्थेगतिया दुन्नाणी अत्थेगतिया तिन्नाणी अत्यंगतिया चउनाणी अत्थेगतिया एगनाणी, जे दुन्नाणी ते आभिणिबोहियनाणी य सुयनाणी य, जे तिन्नाणी ते श्राभिणिबोहियनाणी सुयनाणी श्रोहिनाणी अहवा आभिणिवोहियनाणी सुयनाणी मणपजवनाणी, जे चउनाणी ते आभिणिवोहियनाणी सुयनाणी ओहिनाणी मणपनवनाणी, जे एगनाणी ते नियमा केवलनाणी, जे अन्नाणी ते अत्यंगतिया
