________________ श्रीमद्व्याख्याप्रज्ञप्ति (श्रीमद्भगवती) सूत्रं शतकं 5 :: उ०२] [ 136: ' तया णं अभितरपुक्खरद्धे मंदराणं पुरच्छिमपञ्चत्थिमेणं नेवत्थि श्रोस्सप्पिणी नेवत्थि उस्सप्पिणी अवधिए णं तत्थ काले पन्नते समणाउसो ! सेवं भंते 2 त्ति जाव विहरति 7 // सूत्रं 171 // पंचमसए पढमो उद्दसो समत्तो॥ // इति पञ्चमशतके प्रथम उद्देशकः // 5-1 // // अथ पञ्चमशतके अनिलाख्य-द्वितीयोद्देशकः // रायगिह नगरे जाव एवं वदासी-अस्थि णं भंते ! ईसिं पुरेवाता पस्थावाता मंदाबाता महावाता वायंति ? हंता अत्थि 1 / यत्थि णं भंते ! पुरच्छिमेणं ईसि पुरेवाया पत्थावाया मंदावाया महावाया वायंति ! हंता अस्थि 2 / एवं पञ्चत्थिमेणं दाहिणेणं उत्तरेणं उत्तरपुरच्छिमेणं पुरच्छिमदाहिणेणं दाहिणपञ्चत्थिमेणं पच्छिमउत्तरेणं 3 / जया णं भंते ! पुरच्छिमेणं इसिं पुरेवाया पत्थावाया मंदावाया महावाया वायंति तया णं पञ्चस्थिमेणवि इसिं पुरेवाया पत्थावाया मंदावाया महावाया वायंति ! जया णं पञ्चस्थिमेणं ईसिं पुरेवाया तया णं पुरच्छिमेणवि ?, हंता गोयमा ! जया णं पुरच्छिमेणं तया णं पञ्चत्थिमेणवि ईसिं जया णं पचत्थिमेणवि ईसिं तया णं पुरच्छिमेणवि ईसिं, एवं दिसासु विदिसासु 4 / अस्थि णं भंते ! दीविचया ईसिं?, हंता अस्थि 5 / अत्थि णं भंते ! सामुद्दया ईसिं ?, हंता अत्थि 6 / जया णं भंते ! दीविचया ईसिं तया णं सा सामुद्दयावि ईसिं ? जया णं सामुद्दया ईसिं तया णं दीविच्चयावि ईसिं ?, णो इण? समढे 7 / से केणटेणं भंते ! एवं बुञ्चति जया णं दीविच्चया ईसिं णो णं तया सामुद्दया ईसिं ? जया णं सामुद्दया ईसि णो णं तया दीविचया ईसिं ?, गोयमा ! तेसि णं वायाणां यन्नमन्नस्स विवच्चासेगां लवणे समुद्दे वेलं नातिकमइ से तेण? गां जाव वाया वायंति 8 / अस्थि णं भंते ! ईसिं पुरेवाया पत्थावाया मंदावाया महावाया वायंति ?, हंता अस्थि 1 / कया णं भंते ! ईसिं जाव वायंति ?,
