________________ 10.] -:: - [ श्रीमदागमसुवासिन्धुः। द्वितीयो विभाग: त्ता इहमागच्छंति 2 जति णं तायो अच्छरायो पाढायंति परियाणंति 12 / पभू णं भंते ! ते असुरकुमारा देवा ताहिं अच्छराहिं सद्धिं दिव्वाइं भोगभोगाई भुजमाणा विहरित्तए अहन्नं तायो अच्छरायो नो पाढायति नो परियाणंति, णो णं पभू ते असुरकुमारा देवा ताहिं अच्छराहिं सद्धिं दिव्वाई भोगभोगाइं भुजमाणा विहरित्तए, एवं खलु गोयमा ! असुरकुमारा देवा सोहम्मं कप्पं गया य गमिस्संति य 13 // सू० 142 // केवइकालस्स णं भंते ! असुरकुमारा देवा उट्ठ उप्पयति जाव सोहम्मं कप्पं गया य गमिस्संति य ?, गोयमा ! अणंताहिं उस्तप्पिणीहिं गणंताहिं अवसप्पिणीहिं समतिक्कंताहिं, अस्थि णं एस भावे लोयच्छेरयभूए समुप्पजइ जन्नं असुरकुमारा देवा उड्ड उप्पयंति जाव सोहम्मो कप्पो 1 / किं निस्साए णं भंते ! असुरकुमारा देवा उड्ड उप्पयंति जाव सोहम्मो कप्पो ?, से जहानामए-इह सबरा इ वा बब्बरा इ वा टंकणा इ वा भुत्तुया(चुच्चुया) इ वा पल्हया इ वा पुलिंदा इ वा एगं महं गड्डे वा (खड्ड वा) दुग्गं वा दरिं वा विसमं वा पव्वयं वा णीसाए सुमहलमवि पासबलं वा हथिवलं वा जोहबलं वा धणुबलं वा पागलेंति, एवामेव असुरकुमारावि देवा, णराणत्थ अरिहंते वा अरिहंतचेइयाणि वा अणगारे वा भावियप्पणो निस्साए उट्ठ उप्पयंति जाव सोहम्मो कप्पो 2 / सव्वेवि णं भंते ! असुरकुमारा देवा उट्ठ उप्पयंति जाव सोहम्मो कप्पो ?, गोयमा ! णो इणढे सम४, महिड्डिया णं असुरकुमारा देवा उट्ठ उप्पयंति जाव सोहम्मो कप्पो 3 / एसवि णं भंते ! चमरे असुरिंदे असुरकुमारराया उड्ड उप्पइयपुदि जाव सोहम्मो कप्पो ?, हंता गोयमा ! 2, 4 / ग्रहो णं भंते ! चमरे असुरिंदे असुरकुमारराया महिड्डीए महज्जुईए जाव कहिं पविठू ?, कूडागारसालादिट्ठतो भाणियव्यो 5 // सू० 143 // चमरे णं भंते ! असुरिदेणां
