________________ श्रीमद्व्याख्याप्रज्ञप्ति (श्रीमद्भगवति) मूर्य :: शतकं 3 : उ० 2] 99 हंता अत्यि, केवतियं च णं पभू ! ते असुरकुमाराणं देवाणं हे गतिविसए पन्नत्ते ?, गोयमा ! जाव अहेसत्तमाए पुढवीए तच्चं पुण पुढविं गया य गमिस्संति य 5 / कि पत्तियन्नं भंते ! असुरकुमारा देवा तच्चं पुढविं गया य गमिस्संति य ?, गोयमा ! पुब्बवेरियस्स वा वेदणउदीरणयाए पुव्वसंगइयस्स वा वेदणउवसामणयाए, एवं खलु असुरकुमारा देवा तच्चं पुढविं गया य गमिस्संति य 6 / अस्थि णं भंते ! असुरकुमाराणं देवाणं तिरियं गतिविसए पन्नत्ते ?, हंता अस्थि, केवतियं च णं भंते ! असुरकुमाराणं देवाणं तिरियं गइविसए पन्नत्ते ?. गोयमा ! जाव असंखेजा दीवसमुद्दा नंदिस्सरवरं पुण दीवं गया य गमिस्संति य 7 / किं पत्तियन्नं भंते ! असुरकुमारा देवा नंदीसरवरदीवं गया य गमिस्संति य ?, गोयमा ! जे इमे अरिहंता भगवंता एएसि णं जम्मणमहेसु वा निक्खमणमहेसु वा णाणुप्पयमहिमासु वा परिनिव्वाणमहिमासु वा, एवं खलु असुरकुमारा देवा नंदीसरखरदीवं गया य गमिस्संति य 8 / अस्थि णं भंते ! असुरकुमाराणं देवाणं उड्ड गतिविसए पराणत्ते ?, हंता ! अस्थि, केवतियं च णं भंते ! असुरकुमाराणं देवाणं उड्ड गतिविसए ?, गोयमा ! जावऽच्चुए कप्पे सोहम्मं पुण कप्पं गया य गमिस्संति य 1 / किं पत्तियगणं भंते ! असुरकुमारा देवा सोहम्मं कप्पं गया य गमिस्संति य ?, गोयमा ! तेसि णं देवाणं भवपञ्चइयवेराणुबंधे, ते णं देवा विकुवेमाणा परियारेमाणां वा श्रायरक्खे देवे वित्तासेंति बहालहुस्सगाई रयणाइं गहाय आयाए एगंतमंतं अवकमंति 10 / अस्थि णं भंते ! तेसिं देवाणं अहालहुस्सगाई रयणाई ?, हंता अस्थि / से कहमियाणिं पकरेंति ?, तयो से पच्छा कायं पव्वहंति 11 / पभू णं भंते ! ते असुरकुमारा देवा तत्थ गया चेव समाणा ताहिं अच्छराहिं सद्धिं दिव्वाइं भोगभोगाई भुजमाणा विहरितए ?, णो तिण? समढे, ते णं तश्री पडिनियत्तंति 2
