________________ श्रीमद्व्याख्याप्रज्ञप्ति (पीमद्भगवति) सूत्र : शतकं 3 : उ० 1] [1 // एवं खलु देवाणुप्पिया ! अम्हे बलिचंचारायहाणीवत्थव्वया बहवे असुरकुमारा देवा य देवीयो य देवाणुप्पियं वंदामो नमसामो जाव पज्जुवासामो, अम्हाणं देवाणुप्पिया ! बलिचंचा रायहाणी अणिंदा अपुरोहिया अम्हेऽवि य णं देवाणुप्पिया ! इंदाहीणा इंदाहिट्टिया इंदाहीणकज्जा तं तुम्भे णं देवाणुप्पिया ! बलिचंचं रायहाणिं श्रादाह परियाणह सुमरह अट्ठ बंधह निदानं पकरेह ठितिपकप्पं पकरेह, तते णं तुब्भे कालमासे कालं किचा बलिचंचारायहाणीए उववजिस्सह, तते णं तुम्भे श्रम्हं इंदा भविस्सह, तए णं तुब्भे अम्हेहिं सद्धिं दिव्वाई भोगभोगाइं भुजमाणा विहरिस्सह 5 / तए णं से तामली बालतवस्सी तेहिं बलिचंचा-रायहाणिवत्थव्वएहिं बहहिं असुरकुमारेहिं देवेहिं देवीहि य एवं वुत्ते समाणे एयमट्ट नो आढाइ नो परियाणेइ तुसिणीए संचिट्टइ, तए णं ते बलिचंचारायहाणिवत्थव्वया बहवे असुरकुमारा देवा य देवीयो य तामलिं मोरियपुत्तं दोच्चपि तच्चपि तिक्खुत्तो थायाहिण-प्पयाहिणं करेंति 2 जाव अम्हं च गा देवाणुप्पिया ! बलिचंचारायहाणी अणिंदा जाव ठितिपकप्पं पकरेह जाव दोच्चंपि तच्चंपि, एवं वुत्ते समाणे जाव तुसिणीए संचिट्टइ 6 / तए णं ते बलिचंचा-रायहाणि-वस्थव्वया बहवे असुरकुमारा देवा य देवीश्रो य तामलिणा बालतवस्सिणा अणाढाइजमाणा अपरियाणिजमाणा जामेव दिसिं पाउन्भूया तामेव दिसिं पडिगया 7 ॥सू० 135 // तेणं कालेणं 2 ईसाणे कप्पे अणिदे अपुरोहिए यावि होत्था 1 / तते णं से तामली बालतवस्सी बहुपडिपुन्नाई सद्धिं वाससहस्साई परियागं पाउणित्ता दोमासियाए संलेहणाए अत्ताणं झूसित्ता सवीसं भत्तसयं श्रणसणाए छेदित्ता कालमासे कालं किच्चा ईसाणे कप्पे ईसाणवडिंसए विमाणे उबवायसभाए देवसयणिज्जसि देवदूसंतरिये अंगुलस्स असंखेजभागमेत्ताए श्रोगाहणाए ईसाणदेविंद-विरहकालसमयंसि ईसाणदेविंदत्ताए उववरणे, तए णं से
