________________ माणस विकतामलिती तां कान बलिदान दिया बलिया / श्रीमदागमसुधासिन्धुः द्वितीयो विभागः उत्तरपुरच्छिमे दिसीभाए णियत्तणियमंडलं पालिहइ श्रालिहित्ता संलेहणाअसणाभूसियस्त भत्तपाणपडियाइक्खियस्स पायोवगयस्स कालं अणवकंखमाणस्स विहरित्तएत्तिकटु एवं संपेहेइ एवं संपेहेत्ता कल्लं जाव जलते जाव आपुच्छइ 2 तामलित्तीए एगते एडेए (जाव जलते) जाव भत्तपाणपडियाइविखए पायोवगमणां निवन्ने 2 / तेणं कालेणं 2 बलिचंचारायहाणी अगिंदा अपुरोहिया यावि होत्था 3 / तए णं ते बलिचंबारायहाणिवत्थव्वया बहवे यसुरकुमारा देवा य देवीयो य तामलिं बालतवस्सि श्रोहिणा श्राहोयंति 2 अन्नमन्नं सदावेंति 2 एवं वयासी-एवं खलु देवाणुप्पिया ! बलिचंचा रायहाणी अणिंदा अपुरोहिया अम्हे णं देवाणुप्पिया ! इंदाहीणा इंदाधिट्ठिया इंदाहीणकज्जा अयं च णं देवाणुप्पिया ! तामली वालतवस्सी तामलित्तीए नगरीए बहिया उत्तरपुरच्छिमे दिसीभाए नियत्तणियमंडलं आलिहित्ता संलेहणाभूसणाझसिए भत्तपाणपडियाइक्खिए पायोवगमणं निवन्ने, तं सेयं खलु देवाणुप्पिया ! अम्हं तामलिं बालतवस्सि बलिचंचाए रायहाणीए ठितिपकप्पं पकरावेत्तएत्तिकटु अन्नमन्नस्स अंतिए एयमटुं पडिसणेति 2 बलिचंचाए रायहाणीए मज्झमज्झेणं निग्गच्छति 2 जेणेव रुयगिंदे उप्पायपव्वए तेणेव उवागच्छंति 2 वेउब्वियसमुग्घाएणं समोहणंति जाय उत्तरवेउब्बियाई स्वाइं विकुब्वंति 4 / ताए उकिट्ठाए तुरियाए चवलाए चंडाए जइणाए छेयाए सीहाए सिग्घाए दिवाए उद्धृयाए देवगतीए तिरियमसंखेजाणं दीवसमुदाणं मझमझेणं जेणेव जंबूद्दीवे 2 जेणेव भारहे वासे जेणेव तामलित्ती नगरी जेणेव तामली मोरियपुत्ते तेणेव उवागच्छति 2 ला तामलिस्स बालतवस्सिस्स उप्पिं सपक्खि सपडिदिसिं ठिचा दिव्वं देविढिं दिव्वं देवज्जुत्तिं दिव्वं देवाणुभागं दिव्वं बत्तीसविहं नट्टविहिं उवदंसंति 2 तामलिं बालतवस्सि तिक्खुत्तो आयाहिणं पयाहिणं करेंति वंदंति नमसंति 2 एवं वदासी
