________________ श्रीमद्व्याख्याप्रज्ञप्ति (श्रीमद्भगवति) सूत्रं : शतकं 3 : उ० 1 ] [ 87 णं गोयमा ! तीसयस देवस्स अयमेयारूवे विसए विसयमेत्ते बुइए नो चेव णं संपत्तीए विउब्बिसु वा 3, 4 / जति णं भंते ! तीसए देवे महिड्डीए जाव एवइयं च णं पभू विउवित्तए सकस्स णं भंते ! देविंदस्स देवरन्नो अवसेसा सामाणिया देवा केमहिड्डीया तहेव सव्वं जाव एस णं गोयमा ! सकस्स देविदस्स देवरन्नो एगमेगस्स सामाणियस्स देवस्स इमेयारूवे विसयमेत्ते बुइए नो चेव णं संपत्तीए विउब्बिसु वा विउविति वा विउविस्संति वा, तायत्तीसा य लोगपाल-अग्गमहिसीणं जहेव चमरस्स नवरं दो केवलकप्पे जंबूद्दीवे 2 अराणं तं चेव, सेवं भंते ! 2 त्ति दोच्चे गोयमे जाव विहरति 5 // सू० 130 // भंतेत्ति भगवं तब्चे गोयमे वाउभूती अणगारे समणं भगवं जाव एवं वदासी-जति णं भंते ! सक्के देविंदे देवराया एमहिड्डीए जाव एवइयं च णं पभू विउवित्तए, ईसाणे णं भंते ! देविदे देवराया केमहिड्डीए ? एवं तहेव, नवरं साहिए दो केवलकप्पे जंबूदीवे 2 श्रवसेसं तहेव // सू० 131 // जति णं भंते ! ईसाणे देविदे देवराया एमहिड्डीए जाव एवतियं च णं पभू विउवित्तए 1 / एवं खलु देवाणुप्पियाणां अंतेवासी कुरुदत्तपुत्ते नाम पगतिभदए जाव विणीए अट्ठमंट्टमेणं अणिक्खित्तेणं पारणाए श्रायविलपरिग्गहिएगां तवोकम्मेणं उड बाहायो पगिझिय 2 सूराभिमुहे थायावणभूमीए यायावेमाणे बहुपडिपुन्ने छम्मासे सामराणपरियागं पाउणित्ता अद्धमासियाए संलेहणाए अत्ताणां झोसित्ता तीसं भत्ताई अणसणाए छेदित्ता पालोइयपडिक्कते समाहिपत्ते कालमासे कालं किच्चा ईसाणे कप्पे सयंसि विमाणंसि जा चेव तीसए वत्तव्वया ता सम्वेव अपरिसेसा कुरुदत्तपुत्तेवि, नवरं सातिरेगे दो केवलकप्पे जंबूद्दीवे 2, अवसेसं तं चेव 2 / एवं सामाणिय-तायत्तीस-लोगपाल-अग्गमहिसीणं जाव एस णं गोयमा ! ईसाणस्स देविंदस्स देवरनो एवं एगमेगाए अग्गमहिसीए देवीए अयमेयारूवे विसए विसयमेत्ते बुइए नो चेव णं संपत्तीए विउव्विसु वा 3,
