________________ श्रीमत्स्थानाङ्गसूत्रम् :: अध्ययनं 7 ] [ 403 गग्गा ते भारदा ते अंगिरसा ते सकराभा ते भक्खरामा ते उदगत्ताभा (उदन्नाभा) 3 / जे वच्छा ते सत्तविधा पन्नत्ता, तंजहा-ते वच्छा ते अग्गेया ते मित्तिया ते सामि(मालिणो ते सेलतता ते अडिसेणा ते वीयकम्हा / जे कोच्छा ते सत्तविधा पन्नत्ता, तंजहा-ते कोच्छा ते मोग्गलायणा ते पिंगला(गा)यणा ते कोडीणा ते मंडलिणो ते हारिता ते सोमया (सोमलि) 5 / जे कोसिया ते सत्तविधा पन्नत्ता, तंजहा-ते कोसिता ते कच्चातणा ते सालंकातणा ते गोलिकातणा ते पक्खिकायणा ते अग्गिचा ते लोहिया(बा) 6 / जे मंडवा ते सत्तविहा पन्नत्ता तंजहा-ते मंडवा ते रिट्ठा ते समुता ते तेला ते एलाबचा ते कंडिल्ला(कंडला) ते खारातणा(खातणा) 71 जे वासिहा ते सत्तविहा पन्नत्ता, तंजहा-ते वासिट्टा ते उंजायणा ते जारे(रु)कराहा ते वग्यावच्चा ते कोडिन्ना ते सगणी ते पारासरा 8 // सू०५५१ // सत्त मूलनया पन्नत्ता, तंजहा-नेगमे संगहे ववहारे उज्जुसुते सद्दे समभिरूढे एवंभूते // मू. 552 // सत्त सरा पन्नत्ता, तंजहा-सज्जे रिसभे गंधारे, मज्झिमे पंचमे सरे। धेवते (रेवते) चेव णिसाते, सरा सत्त वियाहिता // 1 // एएसि णं सत्तरहं सराणं सत्त सरट्ठाणा पन्नत्ता, तंजहासज्जं तु अग्गजिन्भाते, उरेण रिसभं सरं। कंठुग्गतेण गंधारं, मज्झजिब्भाते मज्झिमं // 2 // णासाए पंचमं ब्रूया, दंतोठेण य धेवतं / मुद्धाणेण य णेसातं, सरठाणा वियाहिता // 3 // सत सरा जीवनिस्सिता पन्नत्ता, तंजहा-सज्ज खति मयूरो, कुक्कुडो रिसहं सरं। हंसो णदति गंधारं, मझिमं तु गवेलगा॥ 4 // यह कुसुमसंभवे काले, कोइला पंचमं सरं / छठं च सारसा कोंचा, णिसायं सत्तमं गता // 5 // सत्त सरा अजीवनिस्सिता पन्नत्ता, तंजहा-सज्ज रवति मुइंगो, गोमुही रिसभं सरं / संखो णदति गंधारं, मज्झिमं पुण झल्लरी // 6 // चउचलणपतिट्ठाणा, गोहिया पंचमं सरं। याडंबरो रेवति(ततं, महामेरी य सत्तमं // 7 // एतेसि णं
