________________ 402 ] [ श्रीमदागमसुधासिन्धुः : प्रथमो विभागः अहेलोगे णं सत्त पुढवीयो पन्नत्तायो, सत्त घणोदधीतो पन्नत्तायो, सत्त घणवाता सत्त तणुवाता पनत्ता, सत्त उवासंतरा पन्नत्ता, एतेसु णं सत्तसु उवासंतरेसु सत्त तणुवाया पइट्ठिया, एतेसु णं सत्तसु तणुवातेसु सत्त घणवाता पइट्ठिया, एएसु णं सत्तसु घणवातेसु सत्त घणोदधी पतिट्ठिता, एतेसु णं सत्तसु घणोदधीसु छत्तातिच्छत्तसंठाणसंठियायो पिंडलगपिहुणसंठाणसंठियायो (पिहुणपिहुणसंठियायो)सत्त पुढवीयो पन्नतायो, तंजहापढमा जाव सत्तमा, एतासि णं सत्तराहं पुढवीणं सत्त णामधेजा पन्नत्ता, तंजहाघम्मा वंसा सेला अंजणा रिट्टा मघा माघवती, एतासि णं सत्तरहं पुढवीणं सत्त गोत्ता पन्नत्ता, तंजहा-रयणप्पभा सकरप्पमा वालुअप्पमा पंकप्पभा धूमप्पभा तमा तमतमा // सू० 546 // सत्तविहा बायरखाउकाइया पन्नत्ता, तंजहा-पातीणवाते पडीणवाते दाहिणवाते उदीणवाते उडवाते अहोवाते विदिसिवाते // सू० 547 // सत्त संठागा पन्नत्ता, तंजहा-दीहे रहस्से वट्ट तंसे चउरंसे पिहुले परिमंडले // सू० 548 // सत्त भयाणा पन्नत्ता, तंजहा-इहलोगभते परलोगभते श्रादाणभते अकम्हाभते वेयणभते मरणभते असिलोगभते // सू० 541 // सत्तहिं ठाणेहिं छउमत्थं जाणेजा, तंजहा-पाणे अइवाएत्ता भवति, मुसं वइत्ता भवति, अदिन्नमादित्ता भवति, सद्दफरिसरसरूवगंधे श्रासादेत्ता भवति, पूतासकारमणुव्हेत्ता भवति इमं सावज्जति पराणवेत्ता पडिसेवेत्ता भवति, णो जधावादी तधाकारी यावि भवति 1 / सत्तहिं ठाणेहिं केवली जाणेजा, तंजहा-णो पाणे श्रइवाइत्ता भवति जाव जधावाती तधाकारी यावि भवति 2 / / सू० 550|| सत्त मूलगोत्ता पन्नत्ता, तंजहा-कासवा गोतमा बच्छा कोच्छा कोसिता मंडवा वासिट्ठा 11 जे कासवा ते सत्तविधा पन्नत्ता, तंजहा-ते कासवा ते संडेल्ला ते गोल्ला ते वाला ते मुजतिणो ते पव्वपेच्छतिणो ( पव्वइणो) ते वरिसकराहा 2 / जे गोयमा ते सत्तविधा पन्नत्ता, तंजहा-ते गोयमा ते
