Upmitibhav Prapancha Katha Part 01

SR No.: 004358
Original Sutra Author: N/A
Author: Chandrashekharvijay
Publisher: Kamal Prakashan
Total Pages: 306
Language: Sanskrit
Classification: Book_Devnagari
File Size: 9 MB

Page 36

सोन्मादः सज्वरः कुष्ठी, सपामः शूलपीडितः। निलयः सर्वरोगाणां, वेदनावेगविहलः // 26 // शीतोष्णदंशमशकक्षुत्पिपासाद्युपद्रवैः / वाध्यमानो महाघोरनारकोपमवेदनः // 27 // कृपास्पदं सतां दृष्टो, हास्यस्थानं स मानिनाम् / बालानां क्रीडनावासो, दृष्टान्तः पापकर्मणाम् // 28 // अन्येऽपि बहवः सन्ति, रोरास्तत्र महापुरे। केवलं तादृशः प्रायो, नास्ति निर्भाग्यशेखरः // 29 // तस्य तस्य गृहे लपस्ये, भिक्षामित्यादि चिन्तयन् / ध्यानमापूरयन् रौद्रं, विकल्पाकुलमानसः // 30 // स किश्चिन्नैव लभते, केवलं परिताम्यति / कदनलेशमात्रं तु, राज्यवत्प्राप्य तुष्यति // 31 // अवज्ञया जनैर्दत्तं, भुञ्जानस्तत् कदन्नकम् / शक्रादपि बिभेत्युच्चैरयमेतद् ग्रहीष्यति // 32 // तृप्तिस्तेनापि नैवास्य, बुभुक्षा वर्द्धते परम् / जीर्यत्तत्पीडयत्येनं, कृत्वा वातविसूचिकाम् // 33 // अन्यच्च सर्वरोगाणां, निदानं तदुदाहृतम् / तदेव पूर्वरोगाणामभिवृद्धिकरं परम् // 34 // स च तन्मन्यते चारु, वराको नान्यदीक्षते / सुस्वादुभोजनास्वादो, न स्वप्नेऽप्यस्य गोचरः // 35 // उच्चावचेषु गेहेषु, नानाकारासु वीथिषु / बहुशस्तत्पुरं तेन, भ्रान्तमश्रान्तचेतसा // 36 // एवं पर्यटतस्तस्य, महापापहतात्मनः / न ज्ञायते कियान् कालो, दुःखग्रस्तस्य लजितः // 37 // द्वारप्राप्तिः अथ तत्र पुरे राजा, सुस्थितो नाम विश्रुतः। समस्तसत्त्वसङ्घस्य, स्वभावादतिवत्सलः // 38 // 138-140 अटाटयमानोऽसौ रङ्कः, संप्राप्तस्तस्य मन्दिरम् / स्वकर्मविवरो नाम तत्राऽऽस्ते द्वारपालकः // 39 // स द्वारपालस्तं रोरं, दृष्ट्वाऽतिकरुणास्पदम् / प्रावेशयत् कृपालुत्वादपूर्व राज्यमन्दिरम् // 40 // राजभुवन- तच्च कीदृशम्-रत्नराशिप्रभाज्वालैस्तमोबाधाविवर्जितम् / रसनानूपुराद्युत्थभूषणारावसुन्दरम् // 41 // .वर्ण देवपट्टांशुकोल्लोचलोलमौक्तिकमालिकम् / ताम्बूललालिताशेषलोकवक्त्रमनोहरम् // 42 // विचित्रभक्तिविन्यासैर्गन्धोद्धरसुवर्णकैः / आकीर्णप्राङ्गणं माल्यैः, कलालिकुलगीतिभिः // 43 // विलेपनविमर्दैन, कर्दमीकृतभूमिकम् / प्रहृष्टसत्त्वसंदोहवादितानन्दमर्दलम् // 44 // अन्तर्बलन्महातेजः प्रलयीभूतशत्रुभिः / बहिःप्रशान्तव्यापार, राजवृन्दैरधिष्ठितम् // 45 // साक्षाद्भूतजगचेष्टैः, प्रज्ञाऽवज्ञातवैरिकैः। समस्तनीतिशास्त्रज्ञैर्मन्त्रिभिः परिपूरितम् // 46 // पुरः परेतभर्तारं, येऽभिवीक्ष्य रणाङ्गणे / न क्षुभ्यन्ति महायोधास्तैरसंङ्खनिषेवितम् // 47 // कोटीकोटीः पुराणां ये पालयन्ति निराकुलाः / ग्रामाकरानसंख्यांश्च, व्याप्तं ताग्नियुक्तकैः // 48 // येऽत्यन्तवत्सला भर्नुर्गाढं विक्रमशालिनः / आकीर्ण तादृशैरन्तर्भूरिभिस्तलवर्गिकैः // 49 // प्रमत्तप्रमदालोकनिवारणपरायणैः / निवृत्तविषयासङ्गै, राजते स्थविराजनैः // 50 // अनेकभटसंघातैराकीर्ण तत्समन्ततः / लसद्विलासिनीसाथै निर्जितामरधामकम् // 51 // कलकण्ठैः प्रयोगज्ञैर्गायद्भिर्गायनैः परैः / वीणावेणुरवोन्मिङः, श्रोत्रानन्दविधायकम् // 52 // विचित्रचित्रविन्यासैश्चित्ताक्षेपविधायिभिः / सद्रूपैरतिसौन्दर्यान्निश्चलीकृतलोचनम् // 53 // चन्दनागरुकर्पूरमृगनाभिपुरःसरैः / अतिगन्धोद्धरैर्द्रव्यैर्घाणमोदनकारणम् // 54 // * कोमलांशुकतूल्यादिललनालोकयोगतः / स्पर्शप्रमुदिताशेषतद्योग्यजनवृन्दकम् // 55 // मनःप्रीतिसमुत्पादकारणैरसनोत्सवैः। स्वस्थीभूताखिलप्राणिसंघातं भोजनैः परैः // 56 // षोडशभिः कुलकम् // संकल्पः समस्तेन्द्रियनिर्वाणकारणं वीक्ष्य तत्त्वतः / सरङ्कश्चिन्तयत्येवं, किमेतदिति विस्मितः // 57 // 17-165 सोन्मादत्वान्न जानाति, विशेषं तस्य तत्त्वतः / तथापि हृदयाकूते, स्फुरितं लब्धचेतसः // 58 //