Upmitibhav Prapancha Katha Part 01

SR No.: 004358
Original Sutra Author: N/A
Author: Chandrashekharvijay
Publisher: Kamal Prakashan
Total Pages: 306
Language: Sanskrit
Classification: Book_Devnagari
File Size: 9 MB

Page 34

प्रस्तावास्तावदष्टात्र, विधास्यन्ते परिस्फुटाः / प्रत्येकं तेषु वक्तव्यो, योऽर्थस्तं मे निबोधत // 59 // प्रस्तावे प्रथमे तावनिबद्धा येन हेतुना / इयं कथा मयेदृक्षा, स हेतुः प्रतिपाद्यते // 60 // (1) द्वितीये भव्यपुरुषो मानुष्यं प्राप्य सुन्दरम् / यथाऽऽत्महितजिज्ञासुः, समासाद्य सदागमम् // 61 // तदन्तिकस्थः संसारिजीवस्य चरितं यथा / श्रुत्वाऽगृहीतसंकेताव्याजात्तेनैव सूचितम् // 62 // तिर्यग्वक्तव्यताबद्धं, सार्द्ध प्रज्ञाविशालया। विचारयति निःशेषं तदिदं प्रतिपाद्यते॥६३॥ चतुर्भिः कलापकम् // (2) तथा तृतीयप्रस्तावे, हिंसाक्रोधवशानुगः / स्पर्शनेन्द्रियमूढश्च, यथा दुःखैर्विबाधितः // 64 // संसारिजीवः संसारे, भ्रष्टो मानुष्यजन्मतः / इदं संसारिजीवस्य मुखेनैव निवेद्यते // 65 // युग्मम् // (3) पुनश्चतुर्थप्रस्तावे, मानजिबानृतेषु भोः ! / रक्तः संसारिजीवोऽसौ,यथादुःखैःप्रपीडितः // 66 // भूयश्चानन्तसंसारमपारं दुःखपूरितः / यथा भ्रान्त इदं सर्व, सविशेष निगद्यते // 67 // युग्मम् // (4) प्रस्तावे पञ्चमे त्वत्र, विपाकः स्तेयमाययोः / उक्तः संसारिजीवेन, तथा घ्राणेन्द्रियस्य च // 68 // (5) तथाऽत्र षष्ठप्रस्तावे, लोभमैथुनचक्षुषाम् / विपाको वर्ण्यते तेन, योऽनुभूतः पुराऽऽत्मना // 69 / / युग्मम् / / (6) प्रस्तावे सप्तमे सर्व, महामोहविजृम्भितम् / परिग्रहस्य श्रोत्रेण, सहितस्येह वर्णितम् // 7 // किंतु तृतीयात्सप्तमं यावदत्र प्रस्तावपञ्चके / तस्य संसारिजीवस्य, यवृत्तान्तकदम्बकम् // 71 // तत्किञ्चित्तस्य संपन्नं, किश्चिदन्यैनिवेदितम् / तथाऽपि तत्प्रतीतत्वात्सर्व तस्येति वर्णितम् // 72 // युग्मम् // (7) अष्टमे मीलितं सर्वे, प्रस्तावे पूर्वसूचितम् / तेन संसारिजीवेन, विहितं चात्मने हितम् // 73 // (8) तच्च संसारिजीवस्य वृत्तं भवविरञ्जनम् / आकर्ण्य भव्यपुरुषः, प्रबुद्ध इति कथ्यते // 74 // तथा संसारिजीवेन, भूयो भूयः प्रचोदिता। बुद्धाऽगृहीतसंकेता, कृच्छ्रेणेति निवेद्यते // 75 // आसाद्य निर्मलाचार्य, केवलालोकभास्करम् / समस्तोऽप्यात्मवृत्तान्तः, पृष्टः शिष्टोऽवधारितः // 76 // . तथा सदागमादुच्चैर्भूयो भूयः स्थिरीकृतः। संजातावधिना तेन, ततोऽयं प्रतिपादितः // 77 // अन्यच्च-इहान्तरङ्गलोकानां, ज्ञानं जल्पो गमागमम् / विवाहो बन्धुतेत्यादि, सर्वा लोकस्थितिः कृता // 78 // सा च दुष्टा न विज्ञेया, यतोऽपेक्ष्य गुणान्तरम् / उपमाद्वारतः सर्वा, बोधार्थ सा निवेदिता // 79 // यतः-प्रत्यक्षानुभवात्सिद्धं, युक्तितो यन दुष्यति / सत्कल्पितोपमानं तत्सिद्धान्तेऽप्युपलभ्यते // 8 // तथाहि यथाऽऽवश्यके--साक्षेपं मुदगशैलस्य, पुष्कलावर्तकस्य च / स्पर्द्धा साश्च कोपाद्या, नागदत्तकथानके // 81 // तथा--पिण्डैषणायां मत्स्येन, कथितं निजचेष्टितम् / उत्तराध्ययनेष्वेवं, संदिष्टं शुष्कपत्रकैः // 82 // अतस्तदनुसारेण, सर्व यदभिधास्यते / अत्रापि युक्तियुक्तं तद्विज्ञेयमुपमा यतः // 83 // तदेतदन्तरङ्गायाः, शरीरं प्रतिपादितम् / बहिरङ्गकथायास्तु, शरीरमिदमुच्यते // 84 // पूर्वविदेहे सन्मेरोः, सुकच्छविजयप्रभुः / क्षेमपुया समुद्भूतश्चक्रवर्त्यनुसुन्दरः // 85 // स च स्वायुष्कपर्यन्ते, निजदेशदिदृक्षया / विनिर्गतो विलासेन, प्राप्तः शङ्खपुरेऽन्यदा // 86 // तत्र चित्तरमोद्याने, मनोनन्दननामके / जैने समन्तभद्राख्याः, सूरयो भवने स्थिताः // 87 // अभूच तत्समीपस्था, महाभद्रा प्रवर्तिनी / तथा सुललिता नाम, राजपुत्री सुमुग्धिका // 88 // तथाऽन्यः पौण्डरीकाख्यः, समीपे राजदारकः / आसीत्समन्तभद्राणां, तदा संसच्च पुष्कला // 89 // ततश्च--कृतभूरिमहापापं, दृष्ट्वा तं चक्रवर्त्तिनम् / ज्ञानालोकेन ते धीराः, सूरयः प्राहुरीदृशम् // 10 // यस्य कोलाहलो लोके, श्रूयते नीयतेऽधुना / संसारिजीवनामाय, तस्करो वध्यधामनि // 11 //