Upmitibhav Prapancha Katha Part 01

SR No.: 004358
Original Sutra Author: N/A
Author: Chandrashekharvijay
Publisher: Kamal Prakashan
Total Pages: 306
Language: Sanskrit
Classification: Book_Devnagari
File Size: 9 MB

Page 160

129 नष्टान्धकारसम्बन्ध, रत्नोद्योतैः सुनिर्मलैः / विध्वस्ताशेषदुर्गन्धं, सत्कृष्णागरुधूपतः // 6 // देवलोकाधिकामोद, पटवासैर्विसर्पिभिः / लसत्केतकिसंघातगन्धेन भुवनातिगम् // 7 // लसद्विलासिनीलोकप्रारब्धस्नानसाधनम् / एवं विधाय तत्सम, प्रस्तुतं देवपूजनम् // 8 // अत्रान्तरे-पारिजातकमन्दारनमेरुहरिचन्दनैः / सन्तानकैश्च देवौघास्तथाऽन्यैर्जलजोत्तरैः // 9 // पुष्पैर्भूत्वा विमानानि, द्योतयन्तो नभस्तलम् / ततोत्कृष्टरवास्तूर्णमाजग्मुस्ते जिनालयम् // 10 // ततः प्रमुदिताशेषलोकलोचनपूजिताः / पूजां जगद्गुरूणां ते, जातानन्दाः प्रचक्रिरे // 11 // मुश्लिष्टवर्णविन्यासां, पूजामालोक्य तत्कृताम् / निश्चलाक्षतया लोकास्ते जग्मुर्देवरूपताम् // 12 // ततोऽनन्तगुणानन्दपरिपूरितचेतसा / नरेन्द्रेण सलोकेन, देवानानन्ध सद्गिरा // 13 // शुभे सुमेरुवत्तुङ्गे, सुवेद्यां भद्रविष्टरे / निवेश्य बिम्बं जैनेन्द्रं, विधिनाऽऽरम्भि मज्जनम् // 14 // युग्मम् / तत्र च-स्नातस्य, शुभवस्त्रस्य किरीटाङ्गदधारिणः / गोशीण विलिप्तस्य, हारराजितवक्षसः // 15 // कुण्डलोद्भासिगण्डस्य, शक्राकारानुकारिणः / बहिःशान्तविकारस्य, निर्मलीभूतचेतसः // 16 // महत्तमोऽयमस्माकमेष एव च नायकः / एष एव महाभाग, एष एव च पूजितः // 17 // येन भागवती दीक्षा, दुष्करापि जिघृक्षिता / एवं प्रभाषमाणेन, नरेन्द्रेण मनीषिणः // 18 // सत्तीर्थोदकसम्पूर्णस्तापनीयो मनोहरः / सद्धर्मसारसम्पूर्णमुनिमानससन्निभः // 19 // गोशीर्षचन्दनोन्मिश्री, दिव्यपद्मावृताननः / समन्ताच्चर्चितः शुभैश्चारुचन्दनहस्तकैः // 20 // संस्थाप्य प्रथमस्नात्रे, स्नात्रकारतया मुदा ! समर्पितोऽभिषेकार्थ, दिव्यकुम्भो भवच्छिदः // 21 // सप्तभिः कुलकम् / आनन्दपुलको दं, दधानो भक्तिनिर्भरः / जग्राह नृपतिः कुम्भ, स्वयमेव द्वितीयकम् // 22 // तथा मध्यमबुद्धिश्च, सपुत्रः स सुलोचनः / कृतौ भुवननाथस्य, स्नात्रकारणतत्परौ // 23 // चन्द्रोद्योतच्छटाच्छेन, चामरेण विभूषिता / स्थिता त्रिलोकनाथस्य, पुरो मदनकन्दली // 24 // द्वितीया स्थापिता राज्ञा, तस्याश्चामरधारिणी / देवी पद्मावती नाम, तदाकारानुकारिणी // 25 // धूपभाजनमादाय, गाढं भावितमानसः / सुबुद्धिवंधितानन्दः, स्थितोऽग्रे पिहिताननः // 26 // तेनैव राजादिष्टेन, शेषकर्मसु सादरम् / ये ये श्रेष्ठतमा लोकास्ते ते सम्यङ् नियोजिताः।२७। यतः-त एव कृतिनो लोके ते जाता ते समुन्नताः। ते कलालापविज्ञानशालिनस्ते महाधनाः // 28 // ते रूपवन्तस्ते शूराः, कुलस्यापि विभूषणाः / ते सर्वगुणसम्पूर्णाः, श्लाघ्यास्ते भुवनत्रये // 29 // किङ्करीकृतशक्रस्य, लोकनाथस्य मन्दिरे। येऽत्र किङ्करतां यान्ति, नराः कल्याणभागिनः // 30 // त्रिभिर्विशेषकम् / ततः प्रवृत्तो भगवतोऽभिषेकमहोत्सवः, पूरयन्ति दिक्चक्रबालमुदामदेवदुन्दुभिनिर्घोषाः, बधिरयन्ति जनकर्णकोटराणि रटत्पटहपाटवप्रतिनादसंमूच्छिता विविधतूर्यनिनादाः, समुल्लास्यते कणकणकभाणकरवोन्मिश्रः कलकाहलाकलकलः, गीयन्तेऽन्तरान्तरा प्रशमसुखरसास्वादावेदनचतुराणि भगवत्साधुगुणसम्बन्धप्रवणानि श्रवणोत्सवकारीणि गीतकानि, पठयन्ते परिशुद्धगम्भीरेण ध्वनिना सर्वज्ञप्रणीतप्रवचनोन्नतिकराणि रागादिविषधरपरममन्त्ररूपाणि भावसारं महास्तोत्राणि, प्रवृत्तानि विविधकरणाङ्गहारहारीणि प्रमोदातिरेकसूचकानि महानृत्त्यानि / तदेवं महता विमर्दैन सुरासुरैरिव कनकगिरिशिखरे, निवीतते भगवदाभषेकमङ्गले, पूजितेषु सविशेष भुवनाधिनाथविम्बेषु, विहितेषु