Page Text
________________ प्रोत्फुल्लकिंशुकाग्रेषु, पुष्पमारोऽतिरक्तकः / वियोगदलितस्त्रीणां, पिशितप्रकरायते // 44 // मञ्जर्यः सहकाराणामामोदितदिगन्तराः / हृष्टा वसन्तराजेन, धूलिक्रीडां प्रकुर्वते // 45 // देवकिन्नरसम्बन्धिमिथुनैः कथिता वने / भ्रमेण२१ नाकान्मर्त्यस्य,२२ तदानीं रमणीयता // 46 // वल्लयों निर्भरीभूत्वा,२३बद्ध्वा२४ दोला गृहे गृहे / मदनोद्दीपने मन्द, प्रवृत्तो मलयानिलः // 47 // अथेदृशे वसन्तेऽसौ, सह मध्यमबुद्धिना / क्रीडाथ निर्गतो बालः, कामकालप्रमोदितः // 48 // जनन्या देहवर्तिन्या, संयुक्तः स्पर्शनेन च / गतो लीलाधरं नाम, सोद्यानं नन्दनोपमम् // 49 // तस्यास्ति मध्यभूभागे, शुभ्रशृङ्गो महालयः / २५जनतानयनानन्दः, प्रासादस्तुङ्गतोरणः // 50 // कामिनीहदयाडादकारको रतिवत्सलः / जनैः प्रतिष्ठितस्तत्र, देवो मकरकेतनः // 51 // इतश्च तस्य देवस्य, पूजासत्कारकारणम् / तिथिः क्रमेण संजाता, दिने तत्र त्रयोदशी // 52 // कन्यका वरलाभाय, वध्वः सौभाग्यवृद्धये / दुर्भगास्तु पतिप्रेममोहेन हतमानसाः // 53 // मोहान्धाः कामिनोऽभीष्टयोषित्सम्बन्धसिद्धये / गृहीतार्चनिकाः कामपूजनार्थ समागताः ।५४युग्मम् ततो बालो२६महारोलं, तत्राकर्ण्य सविस्मयः / प्रविष्टः कामसदनं, सह मध्यमबुद्धिना // 55 // दृष्टस्तत्र रते थः, प्रणतो भक्तिपूर्वकम् / पूजितश्च प्रयत्नेन, संस्तुतो गुणकीर्तनैः // 56 // अथ प्रदक्षिणां तस्य, ददानो देवसद्मनः / बालो ददर्श पार्श्वस्थं, गुप्तस्थाने व्यवस्थितम् // 57 // तस्यैव रतिनाथस्य, देवस्य कृतकौतुकम् / संवासभवनं रम्यं, मन्दमन्दप्रकाशकम् // 58 // युग्मम् कुतूहलवशेनाथ, द्वारि संस्थाप्य मध्यमम् / मध्ये प्रविष्टः सहसा, स बालस्तस्य समनः // 59 // अथ तत्र सुविस्तीर्णा,२७ सपर्यङ्कां सतूलिकाम्२८। मृदूपधानसंपनां कोमलामलचेलिकाम्२९॥६०॥ सुप्तेन रतियुक्तेन, कान्तमध्यां मनोभुवा / स ददर्श महाशय्यां, देवानामपि दुर्लभाम् ॥६१॥युग्मम् ततो मन्दप्रकाशत्वात्, संवासभवनस्य सः / किमेतदिति संचिन्त्य, शय्यां पस्पर्श बालकः // 62 इतश्चेतश्च हस्तेन, स्पृशता सुचिरं मुदा / ततो विभाविताऽनेन, शय्यैषा मकरध्वजी // 63 // विचिन्तितं च तत्स्पर्शकौमल्यहतचेतसा / अहो कोमलता मन्ये, नान्यत्र भवतीदृशी // 64 // ततः शरीरवर्तिन्या, जनन्या स्पर्शनेन च / प्रेर्यमाणः स्वकीयेन, चापलेन च दूषितः // 65 / / स बालश्चिन्तयत्येवं, मानयामि यथेच्छया / एनां कोमलिकां शय्यां, सुप्त्वाऽहं क्षणमात्रकम् 66 // देवः सुप्तोऽत्र मदनो, रतियुक्तो न चिन्तितम् / अपायो देवशय्यायां, सुप्तस्येति न भावितम् // 67 // दृष्टस्य लाघवं लोकैरिति नैव मनः कृतम् / विज्ञातं नेति संपत्स्ये, हास्यो मध्यमबुद्धितः // 68 // अनालोच्यायतिं मोहात्, केवलं सुप्त एव सः। आरुह्य शय्यां तां दिव्यां, कृतं बालविचेष्टितम्।।६९॥ ततस्तस्यां विशालायां, शय्यायां बद्धमानसः / इतश्चेतश्च कुर्वाणः, सर्वाङ्गाणि पुनः पुनः // 7 // अहो सुखमहो स्पर्शस्तथाऽहो धन्यता मम / चिन्तयनिति शय्यायां, लुठमानः स तिष्ठति // 71 // इतश्च नगरे तत्र, बहिरङ्गो नृपोत्तमः / अन्योऽप्यस्ति महातेजाः प्रख्यातः शत्रुमर्दनः // 72 / / तस्यास्ति पद्मपत्राक्षी, प्राणेभ्योऽपि सुवल्लभा / प्रधानकुलसंभूता, देवी मदनकन्दली // 73 // ग्राहितार्चनिका सा च, परिवारेण संयुता / आयाता तत्र सदने, कामदेवस्य पूजिका // 74 // देवकोष्ठस्थितं सा च, संपूज्य मकरध्वजम् / संवासभवनस्थस्य, प्रविष्टा तस्य पूजिका / / 75 // प्रविशन्तीमुदीक्ष्यासौ, तां स्त्रीतिकृतनिश्चयः / लज्जाभयाभ्यां निश्चेष्टो, बालः काष्ठमिव स्थितः / / 76 // 21 देवावासात् . 22 मनुष्यस्य. 23 (भूता). 24 (बचा). 25 जनसमूहः. 26 कोलाहल 27 सुपर्यवां प्र. 28 सुतूलिकाम् प्र. 29 चेल-वस्त्र
| SR No. | 004358 |
| Book Title | Upmitibhav Prapancha Katha Part 01 |
| Original Sutra Author | N/A |
| Author | Chandrashekharvijay |
| Publisher | Kamal Prakashan |
| Publication Year | |
| Total Pages | 306 |
| Language | Sanskrit |
| Classification | Book_Devnagari |
| File Size | 9 MB |