________________ देविदत्थओ [तारा-चंदाणं नक्खत्त-चंदाणं नक्खत्त-सूराण य सहगतिकालमाणं] एयस्स चंदजोगो सत्तट्टि खंडिओ अहोरतो। ते हुति नव मुहुत्ता सत्तावीसं कलाओ य // 101 // सयभिसया भरणीओ अद्दा अस्सेस साइ जेट्ठा य / . एए छ नक्खत्ता पन्नरसमुहुत्तसंजोगा // 102 // तिन्नेव उत्तराइ पुणव्वसू-रोहिणी विसाहा य / एए छ नक्खत्ता पणयालमुहुत्तसंजोगा // 103 // अवसेसा नक्खत्ता 'पनरस या होति तीसइमुहुत्ता। चंदम्मि एस जोगो नक्खत्ताणं मुणेयव्वो // 104 // अभिई छच्च मुहुत्ते चत्तारि य केवले अहोरत्ते / सूरेण समं वच्चइ एत्तो सेसाण वुच्छामिः // 105 // सयभिसया भरणीओ अद्दा अस्सेस साइ जेट्टा य / वच्चंति छहोरत्ते एक्कावीसं मुहुत्ते . य // 106 / / तिन्नेव उत्तराई पुणव्वसू रोहिणी विसाहा य / वच्चंति मुहुत्ते तिन्नि चेव वीसं अहोरत्ते // 107 / / अवसेसा नक्खत्ता पण्णरस वि सूरसहगया जंति / बारस चेव मुहुत्ते तेरस य समे अहोरत्ते // 108 / / [जंबुद्दीवाईसु चंद-सूर-गहाईणं संखा] दो चंदा, दो सूरा, नक्खत्ता खलु हवंति छप्पन्ना / छावत्तरं गहसयं जंबुद्दीवे वियारी णं // 109 / / 1. पन्नरस होंति सं०॥
