________________ ( xiv ) यूर्यप्रज्ञप्ति : दो चंदा दो सूरा णक्खत्ता खलु हवंति छप्पण्णा / बावत्तरं गहसयं जंबुद्दीवे विचारीणं // एगं च सयसहस्सं तित्तीसं च खलु भवे सहस्साई / णव य सया पण्णासा तारागण कोडिकोडी णं / / चत्तारि चेव चंदा चत्तारि य सूरिया लवणतोये / बारस णक्खत्तसयं गहाण तिण्णेव बावण्णा / / दोच्चेव सयसहस्सा सत्तट्ठि खलु भवे सहस्साई / णव य सया लवणजले तारागण कोडिकोडीणं // चउवीसं ससिरविणो णक्खत्तसया त तिण्णि छत्तीसा। एगं च गहसहस्सं छप्पण्णं धातई संडे / / अट्ठव सयसहस्सा तिण्णि सहस्साई सत्त य सयाई। . धातई दीवे तारागण कोडिकोडीणं // बयालीसं चंदा बयालीसं च दिणयरा दित्ता / कालोदधिमि एए चरंति, संबद्धलेस्सागा // णक्खत्तसहस्सं एगमेव छावत्तरं च सयमण्णं / छच्च सयाछण्णउया महग्गहा तिण्णि य सहस्सा / / अट्ठावीस कालोदहिमि बारसयसहस्साई / णव य सया पण्णासा तारागण कोडिकोडीणं / /
