________________ देविदत्यो ( xliv ) दो चंदा, दो सूरा, नक्खत्ता खलु हवंति छप्पन्ना / छावत्तरं गहसयं जंबुद्दीवे वियारी णं // 109 // एक्कं च सयसहस्सं तित्तीसं खलु भवे सहस्साइ। नव य सया पण्णासा तारागणकोडिकोडीणं // 110 // चत्तारि चेव चंदा, चत्तारि य सूरिया लवणतोए। बारं नक्खत्तसयं, गहाण तिन्नेव बावन्ना // 111 // दो चेव सयसहस्सा सत्तट्टि खलु भवे सहस्सा उ / नव य सया लवणजले तारागणकोडिकोडीणं // 112 // चउवीसं ससि-रविणो, नक्खत्तसया य तिण्णि छत्तीसा। एक्कं च गहसहस्सं छप्पन्नं धायईसंडे // 113 // अठेव सयसहस्सा तिण्णि सहस्सा य सत्त य सयाइ / धायइसंडे दीवे तारागणकोडिकोडीणं // 114 // बायालीसं चंदा बायालीसं च दिणयरा दित्ता। कालोदहिम्मि एए चरंति संबद्धलेसाया // 115 // नक्खत्तसहस्सं एगमेव छावत्तरं च सयमन्नं / छच्च सया छन्नउया महग्गहा तिन्नि य सहस्सा // 116 // अट्ठावीसं कालोदहिम्मि बारस य सहस्साई। नव य सया पन्नासा तारागणकोडिकोडीणं // 117 //
