________________ 76 परिशिष्टम् वासी खन्दए नामं कच्चायणसगोत्ते परिव्वायए परिवसइ, तं चेव जाव जेणेव ममं अन्तिए तेणेव पहारेत्थ गमणाए / से अदूरागए बहुसंपत्ते अद्धाणपडिवन्ने अन्तरापहे वइ / अजेव णं दच्छसि गोयमा" // 8. “भन्ते" त्ति भगवं गोयमे समणं भगवं महावीरं वन्दइ नमंसइ, 2 एवं वयासी--" पहू णं, भन्ते, खन्दए कच्चायणसगोत्ते देवाणुप्पियाणं अन्तिए मुण्डे भवित्ताणं अगाराओ अणगारियं पव्वइत्तए ?" "हन्ता पह"। जावं च णं समणे भगवं महावीरे भगवओ गोयमस्स एयमटुं परिकहेइ तावं च णं से खन्दए कच्चायणसगोत्ते तं देसं हवमागए / 9. तए णं भगवं गोयमे खन्दयं कच्चायणसगोत्तं अदूरागयं जाणित्ता खिप्पामेव अब्भुट्टेइ, 2 खिप्पामेव पञ्चुवगच्छइ / 2 जेणेव खन्दए कञ्चायणसगोत्ते तेणेव उवागच्छइ, 2 खन्दयं कच्चायणसगोत्तं एवं वयासी-“हे खन्दया, सागयं खन्दया, सुसागयं खन्दया, अणुरागयं खन्दया, सागयमणुरागयं खन्दया, से नूणं तुसं, खन्दया, सावत्थीए नयरीए पिङ्गलएणं नाम नियण्ठेणं वेसालियसावएणं इणमक्खेवं पुच्छिए-'मागहा, किं सअन्तेलोए,अणन्ते लोए, तं चेव जाव जेणेव इहं तेणेवहब्वमागए'। से नूणं खन्दया, अट्टे समढे?" " हन्ता अत्थि' / तए णं से खन्दए कच्चायणसगोत्ते भगवं गोयमं एवं वयासी-“से के से णं, गोयमा, तहारूवे नाणी वा तवस्सी वा जेणं तव एस अटे मम ताव रहस्सकडे हव्वं अक्खाए, जओ णं तुमं जाणसि?" तए णं से भगवं गोयमे खन्दयं कच्चायणसगोत्तं एवं वयासी-"एवं खलु खन्दया, मम धम्मायरिए धम्मोवएसए समणे भगवं महावीरे उप्पन्न
