________________ स्कन्दककथानकम् नाणदंसणधरे अरहा जिणे केवली तीअपञ्चपन्नमणागयवियाणए सव्वन्नू सव्वदरिसी जेणं मम एस अढे तव ताव रहस्सकडे हव्वं अक्खाए जओ णं अहं जाणामि, खन्दया"। तए णं से खन्दए कञ्चायणसगोत्ते भगवं गोयमं एवं वयासी"गच्छामो णं, गोयमा, तय धम्मायरियं धम्मोवएसयं समणं भगवं महावीरं वन्दामो नमसामो जाव पजुवासामो”। “अहासुह, देवाणुप्पिया, मा पडिबन्धं" / तए णं से भगवं गोयमे खन्दएणं कच्चायणसगोत्तेणं सद्धिं जेणेव समणे भगवं महावीरे तेणेव पहारेत्थ गमणाए / 10. तेणं कालेणं तेणं समएणं समणे भगवं महावीरे वियट्टभोई यावि होत्था / तए पं समणस्ल भगवओ महावीरस्स वियहभोइस्स सरीरयं ओरालं ससिङ्गार कल्लाणं सिवं धनं मङ्गलं अणलंकियविभूसियं लक्खणवजणगुणोववेयं सिरीए अईव 2 उवसोभेमाणं चिट्ठइ / तए णं से खन्दए कच्चायणसगोत्ते समणस्स भगवओ महावीरस्स वियभोइस्ल सरीरयं ओरालं जाव अईव 2 उवसोभेमाणं पासइ, 2 हट्टतुट्ठचित्तमाणन्दिए नन्दिए पीइमणे परमसोमणस्सिए हरिसवसविसप्पमाणहियए जेणेव समणे भगवं महावीरे तेणेव उवागच्छइ, 2 समणं भगवं महावीरं तिक्खुत्तो आयाहिणपयाहिणं करेइ जाव पज्जुवासइ॥ "11. " खन्दया'' इ समणे भगवं महावीरे खन्दयं कच्चायणग. एक वयासी-" से नूणं तुमं, खन्दया, सावत्थीए नयरीए पिङ्गलएणं नियण्ठेणं वेसालियसावएणं इणं अक्खेवं पुच्छिए-' मागहा, किं सअन्ते लोए अणन्ते लोए' एवं तं चेव जाव जेणेव ममं अन्तिए तेणेव हव्वं आगए, / से नूणं,
