________________ स्कन्दककथानकम् 75 अटुं सोचा निसम्म इमे एयारूवे अज्झथिए चिन्तिए पत्थिए मणोगए संकप्पे समुप्पन्जित्था-" एवं खलु समणे भगवं महावीरे कयङ्गलाए नयरीए बहिया छत्तपलासए चेइए संजमेणं तवसा अप्पाणं भावेमाणे विहरइ। तं गच्छामि णं समणं भगवं महावीरं वन्दामि नमसामि,सेयं खलु मे समणं भगवं महावीरं वन्दित्ता नमंसित्ता सकारिता संमाणित्ता कल्लाणं मंगलं देवयं चेइयं पञ्जुवासित्ता इमाइं च णं एयारूवाइं अट्ठाई हेऊई पसिणाइं कारणाई वागरणाई पुच्छित्तए” त्ति कटु एवं संपेहेइ, 2 जेणेव परिब्वायगावसहे तेणेव उवागच्छइ, 2 तिदण्डं च कुण्डिअंच कञ्चणि च करोडिअं च भिसि च केसरिअं च छण्णालयं च अङ्कुसयं च पवित्तयं च गणेत्तियं च छत्तयं च वाहणाओ य पाउयाओ य धाउरत्ताओ य गेण्हइ, 2 परिवायावसहाओ पडि. निक्खमइ / 2 तिदण्डकुण्डिअकञ्चणिअकरोडिअभिसिअकेसरिअछण्णालयअङ्कसयपवित्तयगणेत्तियहत्थगए छत्तोवाणहसंजुत्ते धाउरत्तवत्थपरिहिए सावत्थीए नयरीए मज्झंमज्झेणं निगच्छइ / 2 जेणेव कयङ्गला नयरी, जेणेव छत्तपलासए चेइए, जेणेव समणे भगवं महावीरे, तेणेव पहारेत्थ गमणाए॥ 6. “गोयमा" इसमणे भगवं महावीरे भगवं गोयमं एवं वयासी-“दच्छसि णं, गोयमा, पुव्वसंगयं?" "कं णं, भन्ते ? '' “खन्दयं नाम ?" " से काहे वा कहं वा कियचिरेण वा ? " "एवं खलु गोयमा,"॥ 7. तेणं कालेणं तेणं समएणं सावत्थी नामं नयरी होत्था। वण्णओ। तत्थ णं सावत्थीए नयरीए गद्दभालस्स अन्ते
