________________ 74 परिशिष्टम् 3. तत्थ णं सावत्थीए नयरीए पिङ्गलए नामं नियण्ठे वेसालियसावए परिवसइ। तए णं से पिङ्गलए नामं नियण्ठे वेसालियसावए अन्नया कयाइ जेणेव खन्दए कच्चायणसगोत्ते तेणेव उवागच्छइ, 2 खन्दगं कच्चायणसगोत्तं इणमक्खेवं पुच्छे– “मागहा, किं सअन्ते लोए अणन्ते लोए, सअन्ते जीवे अणन्ते जीवे, सअन्ता सिद्धी अणन्ता सिद्धी, सअन्ते सिद्धे अणन्ते सिद्धे, केण वा मरणेणं मरमाणे जीवे वड्डइ वा हायइ वा, एतावं ताव आयक्खाहि"। वुच्चमाणे तए णं से खन्दए कच्चायणसगोत्ते पिङ्गलएणं नियण्ठेणं वेसालियसावएणं इणमक्खेवं पुच्छिए समाणे संकिए कंखिए विगिच्छिए भेयसमावन्ने कलुससमावने नो संचाएइ पिङ्गलयस्स नियण्ठस्स वेसालियसावयस्स किंचि विपमोक्खमक्खाइउंतुसिणीए संचिट्ठ॥ 4. तए णं से पिङ्गलए नियण्ठे वेसालियसावए खन्दयं कच्चायणसगोत्तं दोचं पितञ्चं पि इणमक्खेवं पुच्छे-“मागहा, किं सअन्ते लोए जाव केण वा मरणेणं मरमाणे जीवे वड्डइ वा हायइ वा एताव ताव आयक्खाहि"। वुच्चमाणे एवं तए णं से खन्दए कच्चायणसगोत्ते पिङ्गलएणं नियण्ठेणं वेसालियसावएणं दोच्चं पि तच्चं पि इणमक्खेवं पुच्छिए समाणे संकिए कंखिए विइगिच्छिए भेयसमावन्ने कलुससमावन्ने नो संचाएइ पिङ्गलस्स नियण्ठस्स वेसालियसावयस्स किंचि वि पमोक्खं अक्खाइड तुलिणीए संधिट्टइ॥ 5. तए णं सावत्थीए नयरीर सिंघाडग° जाव पहेसु महया जणसंमद्दे इ वा जणवृहे इ वा परिसा निगच्छद / तएणं तस्स खन्दयस्स कच्चायणसगोत्तस्स बहुजणास्स अन्तिए एयं
