________________ परिशिष्टम् स्कन्दककथानकम् [भगवतीसूत्रात् 2, 1.] 1. तेणं कालेणं तेणं समएणं तए णं समणे भगवं महावीरे रायगिहाओ नयराओ गुणसिलयाओ चेइयाओ पडिनिक्खमइ, 2 बहिया जगणयविहारं विहरइ। तेणं कालेणं तेणं समएणं कयङ्गला नामं नगरी होत्था। वण्णओ। तीसे णं कयालाए नयरीए बहिया उत्तरपुरथिमे दिसीभाए छत्तपलासए नामं चेइए होत्या। वण्णओ। तए णं समणे भगवं महावीरे उप्पचनाणदसणधरे जाव समोसरणं। परिसा निग्गच्छइ // .. 2. तीसे णं कपडलाए नयरीए अदूरसामन्ते सावत्थी नाम नयरी होत्था / वण्णओ। तत्थ णं सावत्थीए नयरीए गद्दभालस्स अन्तवासी खन्दए नाम कच्चायणसगोत्ते परि आयने परिवखा। रिउब्वेयजउब्वेयसामवेयआहब्वणवेयाणं इतिहासपञ्चमाणं निघण्टुछट्ठाणं चउण्हं वेयाणं सङ्गोवङ्गाणं सरहस्साणं सारए वारए धारए पारए सडङ्गवी सट्टितन्तविसारए संखाणे सिक्खाकप्पे वागरणे छन्दे निरुत्ते जोइसामयणे अन्नेसु य बहसु वम्हण्णएसु परिव्वायएसु नएसु सुपरिनिट्टिए यावि होत्था //
