________________ 118] छट्ठो वग्गो 37 समाणे उट्टेइ, 2 सुदंसणं समणोवासयं एवं वयासी-“तुब्भे णं, देवाणुप्पिया, के कहिं वा संपत्थिया ?" तए णं से सुदंसणे समणोवासए अजुणयं मालागारं एवं वयासी"एवं खलु, देवाणुप्पिया, अहं सुदंसगे नाम समणोवासए अभिगयजीवाजीवे गुणसिलए चेइए समणं भगवं महावीरं वन्दए संपत्थिए"। तए णं से अजुणए मालागारे सुदंसणं समणोवासयं एवं वयासी-"तं इच्छामि णं, देवाणुप्पिया, अहमवि तुमए सद्धिं समणं भगवं महावीरं वन्दित्तए जाव पजुवासित्तए"। " अहासुहं, देवाणुप्पिया,..." // 116 // तए णं से सुदंसणे समणोवासए अजुणएणं मालागारेणं सद्धिं जेणेव गुणसिलए चेइए, जेणेव समणे भगवं महावीरे तेणेव उवागच्छइ, 2 अजुणएणं मालागारेणं सद्धिं समणं भगवं महावीरं तिक्खुत्तो जाव पजुवासइ। तए णं समणे भगवं महावीरे सुदंसणस्स समणोवासगस्स अजुणयस्स मालागारस्स तीसे य......। धम्मकहा। सुदंसणे पडिगए // 117 // तए णं से अज्जुणए समणस्स...धम्मं सोचा हट्ट... "सदहामि णं, भन्ते, निग्गन्थं पावयणं जाव अब्भुट्टोमि"। "अहासुहं..."। तए णं से अजुणए मालागारे उत्तरपुरस्थिमं दिसीभागं अवक्कमित्ता सयमेव पञ्चमुट्टियं लोयं करेइ, जाव अणगारे जाए जाव विहरइ // 118 // तए णं से अजुणए अणगारे जं चेव दिवसं मुण्डे जाव पन्वइए, तं चेव दिवसं समणं भगवं महावीरं वन्दइ, 2 इमं एयारूवं अभिग्गहं उग्गिण्हइ-"कप्पइ मे जावजीवाए छटुंछट्टेणं अनिक्खित्तेण तवोकम्मेणं अप्पाणं भावेमाणस्स
