________________ अन्तगडदसासु [११४महावीरस्स अन्तिए थूलए पाणाइवाए पञ्चक्खाए जावजीवाए, थूलए मुसावाए, थूलए अदिन्नादाणे, सदारसंतोसे कए जावजीवाए, इच्छापरिमाणे कए जावजीवाए। तं इयाणिं पि तस्सेव अन्तियं सव्वं पाणाइवायं पञ्चक्खामि जावजीवाए मुसावायं अदत्तादाणं मेहुणं परिग्गहं पञ्चक्खामि जावजीवाए, सव्वं असणं पाणं खाइमं साइमं चउन्विहं पि आहारं पञ्चक्खामि जावजीवाए / जइ णं एत्तो उवसग्गाओ मुच्चिस्सामि, तो मे कप्पेइ पारेत्तए; अह नो एत्तो उवसग्गाओ मुच्चिस्सामि, तओ मे तहा पञ्चक्खाए चेव" त्ति कट्ट सागारं पडिमं पडिवजइ // 114 // तए णं मोग्गरपाणिजक्खे तं पलसहस्सनिप्फन्नं अयोमयं मोग्गरं उल्लालेमाणे 2 जेणेव सुदंसणे समणोवासए तेणेक उवागच्छइ, 2 नो चेव णं संचाएइ सुदंसणं समणोवासयं समभिपडित्तए। तए णं से मोग्गरपाणी जक्खे सुदंसणं समणोवासयं सवओ समन्ताओ परिघोलेमाणे 2 जाहे नो संचाएइ सुदंसणं समणोवासयं तेयसा समभिपडित्तए, ताहे. सुदंसणस्स समणोवासयस्स पुरओ सपक्खं सपडिदिसिं ठिच्चा सुदंसणं समयोवासयं अनिमिसाए दिट्ठीए सुचिरं निरिक्खइ, 2 अजुणयस्स मालागारस्स सरीरं विप्पजहइ, 2 तं पलसहस्सनिप्फन्नं अयोमयं मोग्गरंगहाय जामेव दिसिं पाउन्भूए तामेव दिसिं पडिगए / तए णं से अजुणए मालागारे मोग्गरपाणिणा जक्खेणं विप्पमुक्के समाणे धसत्ति धरणीयलंसि सव्वङ्गेहिं निवडिए / तए णं से सुदंसणे समणोवासए निरुवसग्गमिति कट्ट पडिमं पारेइ // 115 // तए णं से अजुणए मालागारे तत्तो मुहुत्तन्तरेण आसत्थे
