________________ 100] छटो वग्गो 31 वीरस्स तहारूवाणं थेराणं अन्तिए सामाइयमाइयाई एक्कारस अङ्गाइं अहिजइ / सेसं जहा खन्दगस्स / गुणरयणं तवोकम्मं / सोलस वासाई परियाओ / तहेव विपुले सिद्धे // 96 // निक्खेवओ // 6 // 1 // किंकमे वि एवं चेव जाव विपुले सिद्धे // 97 // निक्खेवओ // 6 // 2 // तेणं कालेणं 2 रायगिहे / गुणसिलए चेइए / सेणिए राया। चेल्लणा देवी // 98 // तत्थ णं रायगिहे अज्जुणए नाम मालागारे परिवसइ अड़े जाव अपरिभूए / तस्स णं अजुणयस्स मालागारस्स बन्धुमई नामं भारिया होत्था सूमाला / तस्स णं अजुणयस्स मालागारस्स रायगिहस्स नयरस्स बहिया एत्थ णं महं एगे पुप्फारामे होत्था कण्हे जाव निउरम्बभूए दसवण्णकुसुमकुसुमिए पासादीए 4 // 99 // तस्स णं पुप्फारामस्स अदूरसामन्ते तत्थ णं अजुणयस्स मालागारस्य अजयपजयपिइपजयागए अणेगकुलपुरिसपरंपरागए मोग्गरपाणिस्स जक्खस्स जक्खाययणे होत्था पोराणे दिवे सच्चे, जहा पुण्णभद्दे / तत्थ णं मोग्गरपाणिस्स पडिमा एगं महं पलसहस्सनिष्फन्नं अयोमयं मोग्गरं गहाय चिट्ठइ // 100 // तए णं से अज्जुणए मालागारे बालप्पभिई चेव मोग्गरपाणिजक्खभत्ते यावि होत्था, कल्लाकल्लिं पच्छियपिडगाई गिण्हइ, 2 रायगिहाओ नयराओ पडिनिक्खमइ, 2 जेणेव पुप्फारामे तेणेव उवागच्छइ, 2 पुप्फुच्चयं करेइ, 2 अग्गाई वराई पुप्फाई गहाय जेणेव मोग्गरपाणिस्स जक्खाययणे
