________________ 28 [85 अन्तगडदसासु तेणेव उवागच्छइ, 2 करयल ...कट्ट एवं वयासी-"इच्छामि णं, देवाणुप्पिया, तुब्भेहिं अब्भणुनाया समाणी अरहओ अरिट्टनेमिस्स अन्तिए मुण्डा जाव पव्वइत्तए / “अहासुहं ..." // 85 // तए णं से कण्हे वासुदेवे कोडुम्बिए सद्दावेइ, 2 एवं वयासी-"खिप्पामेव पउमावईए महत्थं निक्खमणाभिसेयं उवट्ठवेह, 2 एयमाणत्तियं पञ्चप्पिणह"। तए णं ते जाव पञ्चप्पिणन्ति // 86 // तए णं से कण्हे वासुदेवे पउमावई देविं पट्टयं डुहेइ, 2 अट्टसएणं सोवण्णकलस जाव ‘महानिक्खमणाभिसेएणं अभिसिञ्चइ,२ सव्वालंकारविभूसियं करेइ, 2 पुरिससहस्सवाहिणिं सिवियं रयावेइ, 2 बारवईनयरीमझमज्झेणं निग्गच्छइ, 2 जेणेव रेवयए पव्वए, जेणेव सहसम्बवणे उजाणे, तेणेव उवागच्छइ, 2 सीयं ठवेइ, 2 पउमावई देविं सीयाओ पञ्चोरुहइ, 2 जेणेव अरहा अरिटुनेमी तेणेव उवागच्छइ, 2 अरहं अरिटुनेमि तिक्खुत्तो आयाहिणं पयाहिणं करेइ, 2 वन्दइ नमसइ, 2 एवं वयासी--"एस णं, भन्ते, मम अग्गमहिसी पउमावई नामं देवी इट्टा कन्ता पिया मणुन्ना मणामा अभिरामा जाव किमङ्ग पुण पासणयाए / तं णं अहं, देवाणुप्पिया, सिस्सिणिभिक्खं दलयामि, पडिच्छन्तु णं, देवाणुप्पिया, सिस्सिणिभिक्खं" / " अहासुहं...” // 87 // तए णं सा पउमावई देवी उत्तरपुरस्थिमं दिसीभार्ग अवकमइ, 2 सयमेव आभरणालङ्कारं ओमुयइ, 2 सयमेव पञ्चमुट्ठियं लोयं करेइ, 2 जेणेव अरहा अरिट्ठनेमी तेणेव उवागच्छइ, 2 अरहं अरिट्टनेमि वन्दइ नमसइ, 2 एवं वयासी
