________________ 27 84] पञ्चमो वग्गो सइ, 2 तमेव आभिसेकं हत्थि दुरुहइ, 2 जेणेव बारवई नयरी, जेणेव सए गिहे, तेणेव उवागए आभिसेकहत्थिरयणाओ पञ्चोरुहइ, 2 जेणेव वाहिरिया उवट्ठाणसाला, जेणेव सए सीहासणे, तेणेव उवागच्छइ, 2 सीहासणवरंसि पुरस्थाभिमुहे निसीयइ, 2 कोडुम्बियपुरिसे सद्दावेइ, 2 एवं वयासी-“गच्छह णं, तुब्भे, देवाणुप्पिया, बारवईए नयरीए सिंघाडग जाव उवघोसेमाणा एवं वयह-'एवं खलु, देवाणुप्पिया, बारवईए नवजोयण जाव भूयाए सुरग्गिदीवायणमूलागे विणासे भविस्सइ, तं जो णं, देवाणुप्पिया, इच्छइ बारवईए नयरीए राया वा जुवराया वा ईसरे तलवरे माडम्बियकोडुम्बियइब्भसेट्ठी वा देवी वा कुमारो वा कुमारी वा अरहओ अरिट्टनेमिस्स अन्तिए मुण्डे जाव पब्वइत्तए, तं णं कण्हे वासुदेवे विसजेइ, पच्छातुरस्स वि य से अहापवित्तं वित्ति अणुजाणइ, महया इड्डीसकारसमुदएण य से निक्खमणं करेइ ' / दोच्चं पि घोसणयं घोसेह, 2 मम एयं पञ्चप्पिणह" / तए णं ते कोडुम्विय जाव पञ्चप्पिणन्ति // 83 // तए णं सा पठमावई देवी अरहओ...अन्तिए धम्म सोच्चा निसम्म हट्टतुट्ठ जाव °हियया अरहं अरिटुनेमि वन्दइ नमंसइ, 2 एवं वयासी-"सद्दहामि णं, भन्ते, निग्गन्थं पावयणं...से जहेयं तुब्भे वयह / जं नवरं, देवाणुप्पिया, कण्हं वासुदेवं आपुच्छामि, तए णं अहं देवाणुप्पियाणं अन्तिए मुण्डा जाव पन्वयामि"। " अहासुहं..." // 84 // तए णं सा पउमावई देवी धम्मियं जाणप्पवरं दुरुहइ, 2 जेणेव बारवई नयरी, जेणेव सए गिहे, तेणेव उवागच्छइ, 2 धम्मियाओ जाणाओ पच्चोरुहइ, 2 जेणेव कण्हे वासुदेवे
