________________ तइयो वग्गो 21 जे णं ममं सहोयरं कणीयसं भायरं गयसुकुमालं अणगारं अकाले चेव जीवियाओ ववरोविए ? // 62 // तए णं अरहा अरिटुनमी कण्हं वासुदेवं एवं वयासी" मा णं, कण्हा, तुम तस्स पुरिसस्स पदोसमावजाहि / एवं खलु, कण्हा, तेणं पुरिसेणं गयसुकुमालस्स अणगारस्स साहिजे दिन्ने” / “कहं णं, भन्ते, तेणं पुरिसेणं गयसुकुमालस्स णं साहिजे दिन्ने ?" तए णं अरहा अरिटुनेमी कण्हं वासुदेवं एवं वयासी-" से नूणं, कण्हा, ममं तुमं पायवन्दए हव्वमागच्छमाणे बारवईए नयरीए पुरिसं पाससि जाव अणुपविसिए / जहा णं, कण्हा, तुमं तस्स पुरिसस्स साहिजे दिन्ने, एवमेव, कण्हा, तेणं पुरिसेणं गयसुकुमालस्स अणगारस्स अणेगभवसयसहस्ससंचियं कम्मं उदीरेमाणेणं बहुकम्मनिजरत्थं साहिजे दिन्ने” / तए णं से कण्हे वासुदेवे अरहं अरिटुनेमि एवं वयासी-" से णं, भन्ते, पुरिसे मए कहं जाणियब्वे ?" तए णं अरहा अरिटुनेमी कण्हं वासुदेवं एवं वयासी-“जे णं, कण्हा, तुमं बारवईए नयरीए अणुपविसमाणं पासित्ता ठियए चेव ठिइभेएणं कालं करिस्सइ, तं णं तुमं जाणेजासि ‘एस णं से पुरिसे'" / तए णं कण्हे वासुदेवे अरहं अरिट्टनेमि वन्दइ नमंसइ, 2 जेणेव आभिसेयं हत्थिरयणं तेणेव उवागच्छइ, 2 हत्थि दुरुहइ, 2 जेणेव बारवई नयरी, जेणेव सए गिहे, तेणेव पहारेत्थ गमणाए // 63 // तस्स सोमिलमाहणस्स कल्लं जाव जलन्ते अयमेयारूवे अज्झथिए 4 समुपने-“ एवं खलु कण्हे वासुदेवे अरहं अरिट्टनेमि पायवन्दए निग्गए / तं नायमेयं अरहया, विनाय.
